• Yérémia 14:13
    Kitab Suci Terjemahan Donya Anyar

    • 13 Wektu krungu kuwi, aku kandha, ”Adhuh, Gusti sing Mahakuwasa Yéhuwah. Para nabi kandha marang wong-wong kuwi, ’Ora bakal ana perang lan kelaparan. Gusti Allah bakal mènèhi kowé kedamaian ing panggonan iki.’”+

  • Yérémia 23:16, 17
    Kitab Suci Terjemahan Donya Anyar

    • 16 Iki sing diomongké Yéhuwah pemimpiné pasukan:

      ”Aja ngrungokké omongané para nabi sing nyampèkké ramalan marang kowé.+

      Para nabi kuwi nyesatké kowé.

      Wahyu sing diomongké para nabi kuwi asalé saka pikirané dhéwé,+

      Dudu saka Yéhuwah.+

      17 Para nabi kuwi bola-bali kandha marang wong-wong sing ora ngajèni Aku,

      ’Yéhuwah kandha, ”Kowé bakal ngrasakké damai.”’+

      Marang saben wong sing manut karo atiné sing ndableg, para nabi kuwi kandha,

      ’Kowé ora bakal kena bencana.’+

  • Yérémia 28:1, 2
    Kitab Suci Terjemahan Donya Anyar

    • 28 Ing taun kuwi, ing awal pamréntahané Zédékia+ raja Yéhuda, yaiku ing taun kepapat sasi kelima, Nabi Hanania anaké Azur saka Gibéon+ kandha marang aku ing omahé Yéhuwah ing ngarepé para imam lan rakyat, 2 ”Iki sing diomongké Yéhuwah pemimpiné pasukan Gusti Allahé Israèl: ’Aku bakal mbébaské kowé saka perbudakané raja Babilon.*+