Banjir Bandhang ing Beberapa Wilayah Sak Donya

Ing beberapa dhaérah sak donya lagi ana banjir bandhang. Gatèkna beberapa laporan iki:

• ”Saka dina Setu nganti Rebo ing ibu kota Cina, Beijing, udané deres banget. Curah hujané isa nganti 744,8 milimèter. Kuwi sing paling deres selama 140 taun iki.”—AP News, 2 Agustus 2023.

• ”Selama rong dina, ing Jepang sisih kidul ana Topan Khanun. Kuwi marahi udan deres lan anginé banter banget. Akibaté, paling ora ana wong loro sing mati. . . . Topan iki bakal ngarah ing Taiwan bagéan tengah lan marakké curah hujan ing kono nganti 0,6 mèter.”—Deutsche Welle, 3 Agustus 2023.

• ”Merga udan deres ing Kanada sisih wétan, dhaérah [Nova Scotia] dadi kebanjiran. Kuwi udan paling deres selama 50 taun iki.”—BBC News, 24 Juli 2023.

Ing Alkitab ana keterangan apa soal peristiwa iki?

Tandha ”akhir jaman”

Ing Alkitab wis diramalké nèk awaké dhéwé mémang lagi urip ing ”akhir jaman”. (2 Timotius 3:1) Yésus ya ngramalké nèk awaké dhéwé ya bakal ndelok ”perkara-perkara sing nggawé wedi” utawa bencana alam. (Lukas 21:11) Perubahan iklim marakké cuacané berubah-ubah, terus bencana alam dadi tambah akèh lan tambah parah.

Janji ing Alkitab

Meskipun ana akèh bencana, tapi saka Alkitab awaké dhéwé ngerti nèk isih ana harapan. Yésus ngomong, ”Nèk kowé ndelok kabèh iki kelakon, berarti Kerajaané Gusti Allah wis cedhak.”—Lukas 21:31; Matius 24:3.

Peristiwa-peristiwa sing kelakon iki mbuktèkké nèk sedhéla manèh Kerajaané Gusti Allah bakal mréntah. Mung Kerajaané Gusti Allah sing isa nggawé keadaané bumi dadi luwih apik, termasuk siklus air.—Ayub 36:27, 28; Mazmur 107:29.

Wacanen artikel ”Sapa sing Isa Nggawé Bumi Iki Dadi Apik Manèh?” bèn isa ngerti piyé Kerajaané Gusti Allah nggawé bumi dadi apik manèh.