Mathĩna ma Mawĩthyũlũlũko—Kĩla Ũsũmbĩ wa Ngai Ũkeka

Twĩ Matukũ 25, Mwei wa 7, 2023, Inger Andersen ũmwe wa atongoi ma Ngwatanĩo ya Nthĩ na no we ũũngamĩe mũvĩa wa maũndũ ma mawĩthyũlũlũko ngwatanĩonĩ ĩsu aisye atĩĩ: “Kwanangĩka kwa mawĩthyũlũlũko nĩkũtumĩte andũ mathĩnĩka mũno o vamwe na syũmbe ila ingĩ. Iuutani nene iendeee kwongeleka nthĩ yonthe nũndũ wa kũvĩndũka kwa nzeve na ikananga nyũmba sya andũ na mawĩa moo. Ũvyũvu wa ũkanga ũendeee kwongeleka na nũndũ wa ũu nĩvatonyeka syũmbe mbingĩ sya ũkanganĩ ikathela.”

Syo silikalĩ no ineenee ũndũ itonya kũmina thĩna ũũ syĩ ngwatanĩo? Syĩ na ũtonyi wa kũmina thĩna ũũ vyũ?

Mbivilia nĩneeneete ĩũlũ wa silikalĩ yĩ na ũtonyi wa kũmina mathĩna onthe ala makonetye mawĩthyũlũlũko kũũ nthĩ. Yaĩtye kana “Ngai wa ĩtunĩ akaũngamya ũsumbĩ” kana silikalĩ ĩla ĩkaaĩlya maũndũ onthe kũũ nthĩ. (Ndanieli 2:44) Ungu wa ũsumbĩ ũsu, “Kũtikewʼanĩthwʼa woo kana kwanangana.”—Isaia 11:9.