Atongoi ma Siasa Alũsani—Kĩla Ũsumbĩ wa Ngai Ũkeka

Andũ nĩmanoetwʼe nĩ atongoi ma siasa alũsani, kwoou me na wendi wa kwĩthĩwa na atongoi aĩkĩĩku. Ũkunĩkĩli ũmwe ũnatumbĩthiwʼe mwaka wa 2023 wonanĩtye kana, kĩkundi kĩla kĩtaĩkĩĩĩtwe mũno nĩ andũ aingĩ ĩũlũ wa nthĩ, nĩ atongoi ma siasa.a

Mbivilia nĩeleetye ĩũlũ wa silikalĩ yĩ na Mũsumbĩ ũtonya kwĩkwatwʼa vyũ, mũĩkĩĩku, na ũte ũlũsani. Silikalĩ ĩsu nĩ Ũsumbĩ wa Ngai na Mũsumbĩ wawʼo nĩ Yesũ Klĩsto.—Isaia 9:7.

Yesũ nũĩkĩĩthĩtye kwĩsĩla meko make kana nũthĩnĩkĩaa andũ mũno. (Mathayo 9:35, 36) E Mũsumbĩ wa Ũsumbĩ wa Ngai, akaetee onthe ala metĩkĩlanaa na ũtongoi wake ũsili wa katĩ na mũuo.—Savuli 72:12-14.