Sɩnɩ ñe-Bibl kpɛlɩkɩyaa nɛ powoki kediɣzisi

Ɛgbɛyɛ taa kediɣzisi kɛ kele kele sɛtʋ hɔɔlʋʋ nakʋyʋ. (Keɣa 21:23) Ɛyaa mba payɩ pekpeɣliɣ nɛ pɛsɛɣ Yehowa yɔ, pehikiɣ taa leleŋ nɛ wazasɩ. (Keɣa 64:5) Alɩwaatʋ sakɩyɛ taa lɛ, ye Bibl kpɛlɩkɩyaa iwoki kediɣzisi ɖoŋ ɖoŋ yɔ, pɛɖɛɣnɩ ɛsɩndaa fezuu taa camɩyɛ nɛ pɩkɩlɩ.

Ɛzɩma ŋpɩzɩɣ nɛ ŋsɩnɩ ñe-Bibl kpɛlɩkɩyaa nɛ powoki kediɣzisi? Wolo pɩ-yɔɔ nɛ ŋyaɣ-wɛ se pɔkɔŋ kediɣzisi. Wɩlɩ-wɛ video Ɛbɛ palakɩ Kewiyaɣ Kpaaŋ taa? Heyi-wɛ wazasɩ nzɩ pehikiɣ kediɣzisi taa yɔ. (lff tɔm kɩkpɛlɩkɩtʋ 10) Ŋpɩzɩɣ nɛ ŋheyi-wɛ tɔm ndʋ ŋkpɛlɩkɩ kediɣzaɣ nakɛyɛ taa yɔ, tɩ-taa natʋyʋ yaa ŋheyi-wɛ tɔm ndʋ pakaɣ yɔɔdʋʋ cee wayɩ kediɣzaɣ taa yɔ. Cɛlɩ ñe-Bibl kpɛlɩkɩyaa takayɩsɩ nzɩ pakaɣ labɩnʋʋ tʋmɩyɛ kediɣzaɣ taa yɔ. Sɩnɩ-wɛ ɖɔɖɔ hɔɔlɩŋ weyi ɩ-taa ŋnaɣ se pɩpɔzʋʋ se pasɩnɩ-wɛ yɔ! Pɩtɩla pɩpɔzʋʋ se ŋsɩnɩ-wɛ nɛ powolo Kpaaŋ taa. Pana wena payɩ ŋkaɣ ñaɣʋ se ŋsɩnɩ ñe-Bibl kpɛlɩkɩyʋ nɔɔyʋ nɛ ɛpaɣzɩ kɔm kediɣzisi yɔ, aakɛɣ falaa.—1Kɔ 14:24, 25.

CƆNƖ VIDEO SƖNƖ ÑE-BIBL KPƐLƖKƖYAA NƐ POWOKI KEDIƔZISI, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Nʋmɔʋ ŋgʋ yɔɔ Neeta tɩŋnaa nɛ ɛyaa Rose se ɛkɔɔ kediɣzaɣ?

• 

  Ɛbɛ yɔɔ ɖa-taa lakɩ leleŋ alɩwaatʋ ndʋ ɖe-Bibl kpɛlɩkɩyʋ nɔɔyʋ kɔŋ kediɣzisi yɔ?

• 

  Ɛzɩma pɩlabɩ Rose alɩwaatʋ ndʋ ewobi kediɣzaɣ kajalaɣ ɖeɖe yɔ?