Sɩnɩ ñe-Bibl kpɛlɩkɩyaa nɛ pese taabalɩyɛ kɩdɛkɛdɩyɛ

Pɩsa nɛ Bibl kpɛlɩkɩyaa pɩsɩ Yehowa taabalaa lɛ, pɩwɛɛ se palɩzɩ pa-taabalaa camɩyɛ. (Keɣa 14:1, 4) Taabalaa kɩbama sɩɣnɩ-wɛ nɛ pala mbʋ pɩtʋʋzaa yɔ.—Adu 13:20 lff Tɔm kɩkpɛlɩkɩtʋ 48.

Alɩwaatʋ ndʋ ŋsɩɣnɩ ñe-Bibl kpɛlɩkɩyaa se pese taabalɩyɛ kɩdɛkɛdɩyɛ yɔ, wɩlɩ se ŋnɩɣ pɔ-tɔm taa. Pɩpɩzɩɣ nɛ pɩwɛɛ-wɛ kaɖɛ se pɛcɛ taabalɩyɛ nɖɩ pɛwɛnɩ ɛjaɖɛ yɔɔ yɔ. Ye mbʋ, wɩlɩ se ŋmaɣzɩɣ pɔ-yɔɔ halɩ pɩkpɛndɩnɩ avema wena a-taa ɩɩkpɛlɩkɩɣ Bibl yɔ. Ŋpɩzɩɣ nɛ ŋtiyini-wɛ messagewaa, ŋyaa-wɛ kaŋgalaafu yɔɔ yaa ŋwolo pɛ-tɛ. Ñe-Bibl kpɛlɩkɩyaa wɛɣ nɛ powokini ɛsɩndaa lɛ, ŋpɩzɩɣ nɛ ŋyele nɛ paɖʋ taabalɩyɛ nɛ Ɛsɔ samaɣ. Piyeki nɛ pana kpayɩ kpayɩ se mbʋ pɛwɛɛ nɛ pehikiɣ yɔ, pɩcɛzɩ mbʋ pɛwɛɛ nɛ pelesiɣ yɔ siŋŋ. (Mk 10:29, 30) Ña ɖɔɖɔ ŋkaɣ hiɣu taa leleŋ alɩwaatʋ ndʋ ŋnaɣ se Yehowa samaɣ wɛɛ nɛ kapaɣlɩɣ yɔ.

CƆNƖ VIDEO SƖNƖ ÑE-BIBL KPƐLƖKƖYAA NƐ PESE TAABALƖYƐ KƖDƐKƐDƖYƐ NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ taabalɩyɛ kɩdɛkɛdɩyɛ kɛnaa?—1Kɔ 15:33

• Lɩmaɣza wena Rose kaawɛnɩ Krɩstʋ mba aleɣya yɔɔ?

• Ɛzɩma Neeta sɩnɩ Rose nɛ ɛlɛɣzɩ taabalaa kɩdɛkɛdaa nɛ taabalaa kɩbama?