THUTO 02

Baibili i no pa Thembo

Ya ka Tshambisiwa

Mu shango yose bathu ba no lingisana ne mathatha a no thama kuti be zwiwe ba ka hwa zogwadza ne ku dziyidzika. A wa ka tongo shingikaligwa ne chingwe cha ka thama kuti u zwiwe ne zila ya ka jalo? Pangwe u no dziyidziwa ne bugwele kene wa ka figwa ne nngwe wa ka be ali pejo nawe. U ngana u ka zwibuzwa kuti, ‘A buchilo gowo be butuka?’ Baibili i no dabila buzo iyeyi ne zila i no simisa thembo yedu.

1. Baibili i no ti thembesani?

Baibili i no chenesa kuti ini kuna mathatha manjinji kakale i no ti pa khani dzi no shathisa dze kuti mathatha iyawa wose a no dwa e pedzisiwa. Thembiso ye Baibili i nga ‘mugadzabgwe’ ne ku mu pa “bumangwana.” (Bala Jeremiya 29:11, 12.) Ku be ne thembiso idzedzi ko ti batsha ku lingisana ne mathatha a ngwenu, ne ku linga zwithu zwibuyanana, ne ku be ne kushatha kwe malebeswa.

2. Baibili ikatini ne kwe chibaka chi no zha?

Baibili i no chenesa chibaka chi no zha iti “akutjawobe ne lufu kakale, akutjawobe ne buyendasi kene tjililo kene tjibhayo.” (Bala Zumbunulo 21:4.) Mathatha a no thama kuti ti simigwe ne buchilo ngwenu—a nonga ku thaela kwe zojiwa, ku thaela kwe ndulamo, magwele, ne lufu—ha a towo be po. Baibili i no thembesa kuti bathu ba nowo shathila buchilo cha chose mu shango ye Paradaisi.

3. U nga simisa chini thembo iyo mu thembiso ye Baibili?

Bathu banjinji ba no shaka kuti ku shingikale zwithu zwa ka lulwama, ngono a ba to ziba kuti a kowo yenda ku shingikala. Ngono Baibili iyo ikati zowo shingikala. Ti nga simisa thembo yedu mu thembiso ye Baibili ne ku ‘lingisisa mu Hwalo dze Ndzimu.’ (Mishingo 17:11) Ha u zwidiya Baibili, u nowo khona shalula kuti a u nga duma cha i no leba ne kwe chibaka chi no zha.

ZWIDIYE KWA KA NGINILILA

Shakisisa kuti Baibili ikati buchilo gowo be guli chani mu chibaka chi no zha. Bona kuti thembiso ye Baibili i no batsha bathu chini ngwenu.

Zwitshwantsho: Zwi no fanidzanya mamo e bathu ngwenu ne e chibaka chi no zha a no thembesiwa ne Baibili. Mamo iyawa a no buyuligwa pasi.

4. Baibili i no ti thembesa kuti ti nga chilila chose ku sina mathatha

Bona thembiso idzedzi dzi mu Baibili. Ndi ipi yadzo ya u no da kwazo? Ne kutini?

Bala ndimana dza ka lakidziwa pa thembiso idzedzo, ngono u zwibuzwe kuti:

A ndimana idzedzi dzi nga ku pa thembo? A dzi nga pa thembo be nsha uwo ne bakhwinya babo?

Kumbula u chila mu shango

KU SINA U NOWO . . .	KU NA NNGWE NE NNGWE U NOWO . . .
gwadziwa, kwegula, ne ku fa dumbu.—Izaya 25:8.	bona bafi be musigwa mu shango.—Johani 5:28, 29.
gwala kene ku be ne bulema.—Izaya 33:24; 35:5, 6.	muka zwibuyanana ne ku be ne masimba.—Jobe 33:25.
thamigwa cha ka bipa.—Izaya 32:16, 17.	be ne zojiwa zwinjinji, nzi wa a no yemula, ne nshingo u no shathisa.—Pisalema 72:16; Izaya 65:21, 22.
dziyidziwa ne dzinghwa.—Pisalema 46:9.	be ne mbakiso.—Pisalema 37:11.
dziyidziwa ne ku kumbula zwa ka shingikala.—Izaya 65:17.	be ne buchilo gu no shathisa gu si nga pele.—Pisalema 37:29.

Msana wa ka be e gwala wo muka zwibuyanana ngono u no gumbatila mmeyabe.

Nlume wa ka be a ka kwegula wa chibe nchechana ngono u no sunda kiriba i zhele milibo.

5. Thembiso ye Baibili i nga shandula buchilo gugo

Bathu banjinji ba ka temeka mafupa, bangwe ba bugali ne mabaka e mathatha a ba ka lingisana nawo. Bangwe ba no thama kose kwa ba nga khona ku baakanya zwithu. Bona kuti thembiso ye Baibili ne kwe kuti zwithu zowo be butuka, i no batsha bathu chini ngwenu. Zana VIDIYO, mu be mu lebesana ne kwe buzo dzi no tobela.

VIDIYO: Ndaka Ndi Shaka Gwisana ne ku sa be ne Ndulamo (4:07)

Zwitshwantsho: Zwa ti no bona mu vidiyo ye ‘Ndaka Ndi Shaka Gwisana ne ku sa be ne Ndulamo.’ 1. Rafika wa ka be e chela cotton ne bathu ba no fanana naye ne mbala ha a chi ngwanana. 2. Rafika wa ka shathila kwazo ku bona bathu be mibala ya ka siyasiyana be hwanana ha a li mu nshangano we Bafakazi ba Jehova gwe kutanga.

Mu vidiyo, Rafika wa ka be e dziyidziwa ne ku sa be ne ndulamo kupi?
Nenguba ku sa be ne ndulamo kwa a ka bona ku sa ka pela, Baibili ya ka mbatsha chini?

Thembiso ye Baibili ne kwe chibaka chi no zha i nga ti batsha ku gwisana ne ku nyalamoyo ne ku khona ku lingisana ne mathata. Bala Zwiani 17:22 ne Baroma 12:12, mu be mu lebesana ne dzibuzo dzi no tobela:

A u no kumbula kuti thembiso dzi mu Baibili dzi nga shandula buchilo gugo? Ini u jalo?

BATHU BANGWE BA NOTI: “Chi no lebgwa ne Baibili ne kwe chibaka chi no zha a chi nga shingikale.”

U no kumbula kuti ini ku sheteka kuti ti shakisise?

CHA WA ZWIDIYA

Thembiso ye Baibili ne kwe chibaka chi no zha chi no shathisa i no ti batsha ku lingisana ne mathatha ne ku tipa thembo.

U Nga Tini?

Ini bathu be sheta ku be ne thembo?
Baibili i no tini ne kwe chibaka chi no zha?
Ku be ne thembo ye chibaka chi no zha ku nga ku batsha chini ngwenu?

Thuto ya pela ne:

Zwimisile

Ku dwilila u zwidiya thembiso dzi mu Baibili ne zila ye ku bala ndimana dzi mu thuto iyeyi.

Ne:

Cha u nga zwimisila kakale

SHAKISISA

Zwidiye kwa ka paphidzika ne kwe bukulu gwe thembo.

“Thembo—U nga i Wana Ngayi?” (Mukani!, April 22, 2004)

Bona se kwa ku be ne thembo ne kwe chi nowo shingikala, ku nga batsha ba no chila ne bugwele gu singa pole.

“Chila ne Bugwele Gu Si nga Pole—A Baibili i Nga Batsha?” (Web article)

Ha wa ka lingilila vidiyo iyeyi ye lumbo, zwibone, iwe ne nsha uwo, mu shathila buchilo mu Paradaisi ya ka lebegwa mbeli ne Baibili.

Kumbula Nako (3:37)

Bala ne se kwa ku zwidiya ne kwe thembiso ye Baibili ye chibaka chi no zha kwa ka shandula buchilo gwe nngwe u no gwila dzifanilo dze bathu.

“Ha Ndi chi na Nkumbulo we ku Shandula Zwithu mu Shango” (Thungamakole, July 1, 2013)