Djuda bus studanti di Bíblia ivita maus koléga

Pa un studanti di Bíblia ser amigu di Jeová, el meste skodje dretu se amigus. (Sal 15:1, 4) Amigus ki ta ama Jeová pode djuda studantis di Bíblia faze kel ki é dretu. — Pr 13:20; lff lison 48.

Má, lenbra ma pode ka ser fásil pa bu studanti dexa kes amigu ki el tinha na mundu, pur isu, el meste di bu ajuda. Mostra ma bo é se amigu di verdadi, mésmu na kes momentu ki bu ka sta faze-l studu. Pur izénplu, bu pode tilifona-l, manda-l un mensaji ô faze-l un vizita. Sima bu studanti ta ba ta faze prugrésu, bu pode konvida-l pa konvívius ku irmons. Asi, envês di el xinti ma el sta ta perde algun kuza, el ta odja ma el sta ta ganha un família di irmons. (Mr 10:29, 30) I abo tanbê, bu ta xinti más alegria óras ki bu odja família di Jeová ta kria.

ODJA VÍDIU DJUDA BUS STUDANTI DI BÍBLIA IVITA MAUS KOLÉGA. DIPÔS RESPONDE KES PERGUNTA LI:

• Kuzê ki é maus koléga? — 1Co 15:33

• Kuzê ki Jael imajina kantu Nádia konvida-l pa konvíviu ku irmons?

• Kuzê ki Nádia faze pa djuda Jael ten bons koléga?