Un anu di géra na Ukránia — Kal ki é speransa ki Bíblia ta da?

Na sésta-fera, dia 24 di febreru di 2023, ta faze un anu ki kumesa kel géra na Ukránia ki sta traze txeu sufrimentu. Di akordu ku alguns rilatóriu, uns 300 mil trópa di Ukránia i di Rúsia dja móre ô dja panha pankada na kel géra li. Tanbê, uns 30 mil otus algen dja móre na kel géra li. Má, pode ser ki tudu kes algen ki dja móre é mutu más txeu inda.

Kel-li é un kuza tristi, pamodi sta parse ma kel géra li ka sta ben kaba gósi.

• “Sta kuazi ta faze un anu ki trópas di Rúsia invadi Ukránia, má ka ten nada ki sta mostra ma kel géra sta kuazi ta kaba. Ka sta parse klaru ma un di es ta ben ganha géra, i nen ka sta parse ma es ta ben faze un akordu.” — NPR (National Public Radio), 19 di febreru di 2023.

Txeu algen sta tristi di odja modi ki kel géra li i otus géra na mundu sta traze txeu dór i sufrimentu pa kes algen inosenti. Kal ki é speransa ki Bíblia ta da? Géra ta ben kaba algun dia?

Un géra ki ta ben kaba ku tudu kes otu géra

Bíblia ta pâpia di un géra ki ta ben salva tudu algen, envês di distrui tudu algen. Kel géra li ta txomadu di Armajedon, ki Bíblia ta fla ma é ‘kel géra di grandi dia di Deus, Tudu-Poderozu.’ (Apocalipse 16:14, 16) Deus ta ben uza kel géra li, pa el ben kaba ku tudu govérnus di ómi ki sta ta traze txeu distruison pamodi géra. Pa bu prende más sobri modi ki Armajedon ta ben traze pas ki ka ta kaba, lé kes artigu li:

• “Kuzê ki é géra di Armajedon?”

• “Armajedon é un notísia sábi!”