Tzolom 3

Tento naq tqanaw ru li Yos

Re naq toowanq choʼq ramiiw li Yos tento naq tqanaw ru. Ebʼ li qamiiw nekeʼxnaw ut nekeʼxyaabʼasi li qakʼabʼaʼ, peʼyaal? Joʼkan ajwiʼ li Yos naraj naq tqanaw ut tqayaabʼasi xkʼabʼaʼ. Li xkʼabʼaʼ li Yos aʼan Jehobʼa (Éxodo 6:3, Exodo en Kʼekchiʼ 1972, SBG; Salmo 83:18 NM; Mateo 6:9). Tento naq tqanaw kʼaru nawulak chiru li Yos ut kʼaru inkʼaʼ nawulak chiru, anihebʼ li ramiiw ut anihebʼ li xikʼ nekeʼilok re. Toj xkutankil naʼajmank re xnawbʼal ru chiʼus junaq li poyanam, joʼkan ajwiʼ xkutankil naʼajmank re xnawbʼal ru li Jehobʼa. Li Santil Hu naxye naq wank xnaʼlebʼ li naxkʼe xhoonal re xnawbʼal ru li Yos (Efesios 5:15, 16).

Ebʼ li ramiiw li Yos nekeʼxbʼaanu li nawulak chiru Aʼan. Kʼoxlan chirixebʼ laawamiiw. Wi inkʼaʼ sa nakaawilebʼ ut nakaabʼaanu li inkʼaʼ nekeʼwulak chiru, ma toj teʼraj wank choʼq aawamiiw? Inkʼaʼ chik. Joʼkan ajwiʼ, wi naqaj wank choʼq ramiiw li Yos tento naq tqabʼaanu li nawulak chiru (Juan 4:24).

Moko chixjunilebʼ ta li paabʼal nokooʼeʼxtenqʼa chi wank choʼq ramiiw li Yos. Li Jesus, li tzʼaqal ramiiw li Yos, kiʼaatinak chirix wiibʼ li bʼe. Jun rehebʼ li bʼe, nim ru ut naabʼalebʼ wankebʼ aran, aʼan nakʼamok saʼ li kamk. Li jun chik bʼe, kachʼin ru ut moko kʼihebʼ ta wankebʼ chiru, aʼan nakʼamok saʼ li junelik yuʼam. Joʼkan bʼi, wi naqaj wank choʼq ramiiw li Yos tento naq tqatzol chanru xloqʼoninkil chi tzʼaqal re ru (Mateo 7:13, 14).