Tzolom 16

Qakʼutbʼesihaq naq naqara li Yos

Re naq teʼwanq qamiiw tento naq tooʼaatinaq rikʼinebʼ. Naqabʼi li kʼaru nekeʼxye qe ut aʼanebʼ ajwiʼ nokooʼeʼrabʼi ut us nokooʼaatinak chirixebʼ. Joʼkan nakʼulmank wi tqaj wank choʼq ramiiw li Yos. Chaakʼe reetal li naxye li Santil Hu:

Tijok chiru li Jehobʼa chi rajlal kutan. «Junelikaqex chi tijok.» (Romanos 12:12.)

Rilbʼal xsaʼ li Raatin li Yos, li Santil Hu. «Chixjunil li Santil Hu aʼan musiqʼanbʼil xbʼaan li Yos ut nakʼanjelak re kʼutuk, re qʼusuk, re kʼehok naʼlebʼ.» (2 Timoteo 3:16.)

Xtzolbʼalebʼ li poyanam chirix li Yos. «Ayuqex bʼiʼ, ut kʼehomaqebʼ choʼq intzolom chixjunilebʼ li tenamit. [...] ut kʼutumaq chiruhebʼ xpaabʼankil chixjunil li xexintaqla wiʼ.» (Mateo 28:19, 20.)

Xsikʼbʼalebʼ li ramiiw li Yos. «Li narochbʼeenihebʼ li chaabʼilebʼ xnaʼlebʼ, tixtaw xnaʼlebʼ.» (Proverbios 13:20.)

Chʼutlaak saʼ li xChʼutlebʼaal Kabʼl rehebʼ laj Testiiw re li Jehobʼa. «Chiqilaq qibʼ chiqibʼil qibʼ re xkʼeebʼal xkawubʼ qachʼool chi rahok joʼwiʼ chi xbʼaanunkil li chaabʼil kʼanjel. [...] Qawaklesihaq bʼan qachʼool chiqibʼil qibʼ.» (Hebreos 10:24, 25.)

Tenqʼank rikʼin li joʼnimal naʼalaak saʼ qachʼool re xbʼeeresinkil xkʼanjel li xNimajwal Awabʼejilal li Yos. «Li junjunq chixkʼehaq joʼnimal naʼalaak saʼ xchʼool, inkʼaʼ chi kaʼbʼrix xchʼool chi moko chi minbʼilaq ru, xbʼaan naq li Yos naxra li nasihok chi sa saʼ xchʼool.» (2 Corintios 9:7.)

[Li jalam u li wank saʼ li perel 27]

CHʼUTLEBʼAAL KABʼL rehebʼ laj Testiiw re li Jehobʼa