TASAL 14

Kʼaru taabʼaanu re naq maajunwa taatzʼeqtaana li Jehobʼa?

Chatwanq junelik chixkʼatq li Yos (1 Pedro 5:6-9)

Jun laj paabʼanel inkʼaʼ naraj tzʼaqonk saʼ li bʼalaqʼil paabʼal malaj saʼ xnaʼlebʼebʼ li awabʼej

Mattzʼaqonk saʼebʼ li naʼlebʼ li naxtzʼeqtaana li Santil Hu usta chʼaʼaj xbʼaanunkil.

Mattzʼaqonk saʼ li xʼawabʼejilal li winq. Li naʼlebʼ aʼin inkʼaʼ naxkʼe xloqʼal li Jehobʼa ut li Xʼawabʼejilal.

Kʼe aachʼool chi xpaabʼankil li Yos (Mateo 7:24, 25)

Jun li winq nawulak saʼ jun rehebʼ li chʼutam saʼ li Chʼutlebʼaal Kabʼl, ut naxtzol li Santil Hu rikʼin jun laj Testiiw re li Jehobʼa

Chatwulaq saʼebʼ li xchʼutam ebʼ laj Testiiw re li Jehobʼa, aʼanebʼ tateʼxtenqʼa chi xnawbʼal ru li Yos.

Maakanabʼ tzolok chirix li Jehobʼa ut yuʼami li yookat xtzolbʼal.

Jun li winq natijok re xqʼaxtesinkil li xyuʼam chiru li Jehobʼa ut chirix chik aʼan nasubʼeʼk saʼ haʼ

Naq ak xkawuuk laapaabʼal, taaqʼaxtesi laayuʼam re li Jehobʼa ut taasubʼ aawibʼ saʼ haʼ (Mateo 28:19).

Chat-abʼinq chiru li Yos. Chaawil xsaʼ li Santil Hu. Ut chaaye re junaq laj Testiiw naq tatxtenqʼa. Wi naqayuʼami li yookat xtzolbʼal, naru twanq aayuʼam chi junelik (Proverbios 2:21).