Kʼaru tqabʼaanu re xsahobʼresinkil xchʼool li Yos?

Maabʼaanu li maaʼusilal (1 Corintios 6:9, 10)

Wi nakaara li Yos, maajunwa taabʼaanu li inkʼaʼ nawulak chiru.

Li Jehobʼa inkʼaʼ naraj naq tookalaaq, naq tooʼelqʼaq chi moko naraj ta naq tqamayi li bʼan li nakanobʼresink u.

Xikʼ naril li maakobʼk rikʼin rechwinqilal rech-ixqilal, li xrahinkil ru li bʼihomal, li pleetik, li kamsink ut risinkil junaq kʼuulaʼal naq toj maajiʼ nayoʼlaak.

Inkʼaʼ tqaloqʼoni li jalanil yos chi moko tooqʼehinq ut tootuulaq.

Maajun rehebʼ li nekeʼbʼaanunk re li maaʼusilal teʼwanq saʼ li Chʼinaʼusil Naʼajej arin saʼ Ruuchichʼochʼ.

Junelik chaabʼaanu li us (Mateo 7:12)

Re naq sahaq saʼ xchʼool li Yos tento tqakʼam qe rikʼin.

Us naq toorahoq, naq chaabʼilaq qanaʼlebʼ ut naq tookʼehoq chi anchal qachʼool.

Inkʼaʼ tooʼelqʼaq ut inkʼaʼ tootikʼtiʼiq.

Chookuyuq maak ut chooʼuxtaananq u.

Qapuktesihaq li chaabʼil esilal chirix li Jehobʼa ut chirix li xchaqʼrabʼ (Isaías 43:10).