Li Nimla Kʼanjel re Xnimankil li Xkamik li Jesus Ttiklaaq saʼ li 22 re Marzo

Saʼ li Sabado 22 re Marzo ttiklaaq li nimla kʼanjel re xyeebʼal rehebʼ li qas qiitzʼin naq teʼwulaq saʼ li chʼutam re Xnimankil Xkamik li Jesus. Us raj naq tqakʼe qachʼool chi tzʼaqonq. Saʼ raqik li junjunq chi xamaan tqayeechiʼi li tasal hu La Atalaya ut li ¡Despertad! naq tixkʼe ribʼ chiqu. Saʼ li xbʼeen Sabado re li po Abril inkʼaʼ tqasikʼebʼ li nekeʼraj tzolok chirix li Santil Hu, tqakʼe bʼan qaqʼe chi xjekʼinkil li hu chirix li xkamik li Jesus. Abʼan wi naqataw junaq li traj tzolok, naru tqatikibʼ xtzolbʼal. Ut li cheekel winq li naxkʼuubʼ li kʼanjel chirix li puktesink tixkʼoxla chiʼus ma tjekʼimanq ebʼ li hu saʼebʼ li bʼe re xtawbʼal naabʼal li qas qiitzʼin. Re naq teʼwulaq saʼ li chʼutam aʼin ebʼ laakomon, ebʼ laawech aj kʼanjel, ebʼ laawech tzolom malaj li yookat rulaʼaninkil, taatzʼiibʼa xkʼabʼaʼebʼ chiru hu ut taakʼe xbʼoqbʼalebʼ. Saʼ xkʼabʼaʼ naq li Jehobʼa ut li Jesus nokooʼeʼxra, naqoybʼeni naq naabʼalebʼ tooʼeʼrulaʼani saʼ li nimla kutan aʼin (Juan 3:16; 15:13).