Li ttzolmanq chiru li xamaan 29 re Diciembre

Bʼich 16 ut Tijok

Tzolok chirix li Santil Hu:

lv perel 212-215 (30 kʼasal)

Tzolok chirix Xpuktesinkil li Chaabʼil Esilal:

Rilbʼal xsaʼ li Santil Hu: Josue 12-15 (10 kʼasal)

Tqatzʼil li Xqatzol chiru Wiibʼ Po (20 kʼasal)

Tzolok chirix li Xkʼanjel li Yos:

Li naʼlebʼ aʼin re jun po: Qawotzaq li chaabʼil maatan li xkʼemank chaq qe (Mat. 12:35a).

Bʼich 89

20 kʼasal: Qakʼutaq junelik li chaabʼil maatan chiruhebʼ li qatzolom ut chiruhebʼ li qakokʼal (Mat. 12:35a). Taachʼolobʼ li seeraqʼ ut taakʼehebʼ chi tzʼaqonk. Taawoksi 1 Corintios 13:11 ut 1 Pedro 2:2, 3, re xchʼolobʼankil kʼaru raj naqaj naq teʼxbʼaanu ebʼ li qatzolom ut ebʼ li qakokʼal li yookebʼ chi paabʼank. Taachʼolobʼ ajwiʼ chanru tooʼoq ratawankil «li leech» li wank saʼ li Raatin li Yos. Joʼkan ajwiʼ, taachʼolobʼ li naʼlebʼ li natawmank saʼ Marcos 4:28 (taawil xsaʼ li tasal hu La Atalaya 15 re Diciembre 2014, perel 12 ut 13, raqal 6-8). Jun laj puktesinel li ak junxil naʼok chi paabʼank tnumeʼq xsumenkil wiibʼ oxibʼ li patzʼom chirix chanru xtenqʼa li xtzolom chi kʼiik saʼ li xpaabʼal malaj chanru xtenqʼa jun li yuwaʼbʼej li ralal (Efes. 4:13-15; taawil li hu Li Qakʼanjel Chirix li Yos re Mayo 2014 bʼarwiʼ naxye «Li naʼajmank xnawbʼal»).

10 kʼasal: «Qawotzaq li chaabʼil maatan rikʼin jalanebʼ chik (Mat. 12:35a).» Taachʼolobʼ li seeraqʼ ut taakʼehebʼ chi tzʼaqonk. Kʼaru rusilal keʼxtaw wiibʼ oxibʼ rehebʼ li qas qiitzʼin li xeʼwotzok chaq? Taapatzʼ rehebʼ li hermaan chanru tooruuq xwotzbʼal li kʼaru qe maare rikʼinebʼ li nekeʼxkʼe chixjunil xhoonal chi kʼanjelak chiru li Yos. Taachʼolobʼ ajwiʼ chiruhebʼ chanru kʼubʼkʼu li qachʼuut re wotzok rikʼinebʼ li nekeʼchalk chi xkʼebʼal junaq li seeraqʼ.

Bʼich 124 ut Tijok