QAYUʼAM JOʼ AJ PAABʼANEL
At saaj, okan saʼ li «nimla okebʼaal»; maakanabʼ choʼq re moqon
Sa xkʼoxlankil naq junelik saajaqo ut saʼebʼ li qakutan, maajunwa toowulaq saʼ «li inkʼaʼ usil kutan» chirix li tiixilal (Ec 12:1). Wi toj saajat, ma nakaakʼoxla naq toj wank naabʼal li hoonal chaawu re xbʼaanunkil li nakaawaj, maare li wank choʼq aj kʼamol bʼe saʼ li xkʼanjel li Yos?
Inkʼaʼ nanawmank joqʼe tchalq junaq chʼaʼajkilal saʼ qabʼeen, chiqajunilo naru naqakʼul aʼin, joʼkan ajwiʼ ebʼ li saaj (Ec 9:11, 12). Maaʼani naxnaw chanruhaq xyuʼam wulaj (Snt 4:14). Joʼkan naq, maakanabʼ choʼq re wulaj li nakaawaj xbʼaanunkil chirix li Yos. Okan saʼ li «nimla okebʼaal» bʼarwiʼ wank li kʼanjel, anaqwan naq toj wank aahoonal (1Co 16:9). Wi taabʼaanu aʼin, maajunwa taaye kʼaʼut xinbʼaanu.
Wiibʼ oxibʼ li kʼanjel li tatruuq xbʼaanunkil:
Puktesink saʼ jalan chik aatinobʼaal.
Kʼamok bʼe saʼ li puktesink.
Tzʼaqonk saʼ jun rehebʼ li tzolok li naxkʼe li Yos.
Tenqʼank chi xyiibʼankil li Chʼutlebʼaal Kabʼl.
Kʼanjelak saʼ Betel.
Wank joʼ li nekeʼulaʼanink chʼuut.