Mattʼaneʼk saʼebʼ li chʼaʼajkilal li naxkʼam chaq ebʼ li redes sociales

KʼAʼUT US XBʼAANUNKIL: Joʼ nakʼulmank rikʼin naabʼal ebʼ li kʼaʼaq re ru, ebʼ li redes sociales naru nakʼanjelak malaj tooxkʼe saʼ chʼaʼajkilal. Wankebʼ laj paabʼanel inkʼaʼ nekeʼraj roksinkil, ut wankebʼ nekeʼroksi re naq teʼaatinaq rikʼinebʼ li xjunkabʼal ut ebʼ li ramiiw. Abʼanan, laj Tza naraj naq inkʼaʼ us tqoksi ebʼ li redes sociales ut chi joʼkan tqatzʼajni li qakʼabʼaʼ ut li qaʼamiiwil rikʼin li Jehobʼa. Abʼan, rikʼin ebʼ li naʼlebʼ li naxkʼe li Santil Hu, naru naqakʼe reetal li chʼaʼajkilal ut inkʼaʼ tootʼaneʼq chisaʼ, joʼ kixbʼaanu li Jesus (Lu 4:4, 8, 12).

EBʼ LI CHʼAʼAJKILAL

• Roksinkil naabʼal li hoonal. Roksinkil naabʼal li hoonal saʼebʼ li redes sociales ut rilbʼal li wank saʼ Internet naru tixmaqʼ chiqu li hoonal li tqoksi raj saʼ li xkʼanjel li Yos.

  Li naʼlebʼ li naxkʼe li Santil Hu: (Ef 5:15, 16; Flp 1:10)

• Rilbʼal li yiibʼru aj naʼlebʼ. Rilbʼal ebʼ li jalam u re ratawankil junaq winq malaj ixq naru nokooxkʼam chi rilbʼal li nekeʼxkʼut ribʼ chi tʼustʼu malaj tootʼaneʼq saʼ li koʼbʼeetak yumbʼeetak. Rilbʼal li naʼlebʼ li nekeʼxkʼe ebʼ li poyanam li xeʼxqʼet ribʼ chiru li Yos naru tixsach li qapaabʼal.

  Li naʼlebʼ li naxkʼe li Santil Hu: (Mt 5:28; Flp 4:8)

• Xyeebʼal li naqakʼoxla malaj xkʼebʼal li yiibʼ aj jalam u. Saʼ xkʼabʼaʼ naq li chʼoolej aj bʼalaqʼ, junaq li poyanam naru tixye li naxkʼoxla malaj tixkʼe ebʼ li jalam u li moko us ta saʼebʼ li redes sociales. Xbʼaanunkil aʼin naru tixtzʼajni li xkʼabʼaʼ malaj tixchʼina li xpaabʼal ebʼ li junchʼol.

  Li naʼlebʼ li naxkʼe li Santil Hu: (Ro 14:13; Ef 4:29)

NAQ AK XAAWIL LI BʼIDEO CHIWANQ AANAʼLEBʼ NAQ TAAWOKSI EBʼ LI REDES SOCIALES! TAATZʼIL CHANRU TAAKOL AAWIBʼ CHIRU EBʼ LI NAʼLEBʼ AʼIN: