Wotz li nakaatzol

Xtzolbʼal li Santil Hu nokooxtenqʼa, abʼan qʼaxal wiʼ chik nokooxtenqʼa naq naqawotz rikʼinebʼ li junchʼol li xqatzol. Proverbios 11:​25, Wy, naxye: «Li ani naxtenqʼa li ras riitzʼin, ttenqʼaaq ajwiʼ aʼan».

Wi naqawotz rikʼinebʼ li junchʼol li xqatzol tqataw ru chiʼus ut tqajultika. Xwotzbʼal ebʼ li naʼlebʼ aʼin naxsahobʼresi qachʼool xbʼaan naq naxtenqʼahebʼ ajwiʼ saʼebʼ li xpaabʼal (Hech. 20:35).

Yal xbʼaanunkil aʼin: Saʼ li jun chik xamaan seeraqʼi li xaatzol re laajunkabʼal, junaq li hermaan saʼ li chʼuut, rikʼin laawechtzolom, laawechkʼanjel, laawechkabʼal malaj jalan chik li kristiʼaan. Aatinan joʼ nakaabʼaanu rajlal ut oksi ebʼ li aatin li moko chʼaʼajkaq ta xtawbʼal ru.

Jultika: Naq naqawotz li naqatzol rikʼinebʼ li junchʼol moko naqabʼaanu ta re xkʼutbʼesinkil naq wank qanawom, naqabʼaanu bʼan re xwaklesinkilebʼ xchʼool (1 Cor. 8:1).