Eb’ li xninqal ru hiik sa’ li tenamit Turquía ut Siria | K’aru naxye li Santil Hu?

AK’ ESIL: 10 re febrero 2023

Toj sa’ li kutan jueves 9 re febrero 2023, ak numenaq 20,000 li kristi’aan li ak xe’kamk sa’eb’ li nimla hiik li xe’wank sa’ li tenamit Turquía ut Siria. Chi mil eb’ li kristi’aan xe’toch’e’k ut chi si’eent mil xe’kanaak chi maak’a’ rochoch.

Li wiib’ chi chʼuut re tenqʼank reheb’ laj testiiw re li Jehob’a ink’a’ neke’xkanab’ xtenq’ankileb’ li kristi’aan ut xsik’b’aleb’ li xe’kanaak rub’el tz’ak (Gálatas 6:10). Usta ch’a’aj b’ihajik toj aran, eb’ li ruuchil li qamolam xe’wulak naq toj maaji’ nanume’k jun kutan naq xk’ulmank li nimla hiik ut yookeb’ xkawb’resinkil xch’ool ut li xpaab’al li xe’xk’ul li rahilal (1 Pedro 5:2). Tk’emanq chi nawe’k chanru yook chi elk li qak’anjel re tenq’ank sa’ li na’aj «Li esil».

Li Santil Hu naxye qe naq «nach’ wank li Qaawa’ [Jehobʼa]a rik’ineb’ li neke’maynak xch’ool: a’an naxkoleb’ li maak’a’ chik royb’enihomeb’» (Salmo 34:19, Li Santil Hu, Sociedad Bíblica de Guatemala, SBG). Eb’ li na’leb’ a’in li isinb’il sa’ li Santil Hu naru nakatxtenq’a chiruheb’ li kutan a’in li ch’a’aj xnumsinkil.

Li b’ideo Li rahilal li naqekʼa naq nakamk jun li qakomon naru naxtenq’aheb’ li xe’kamk junaq xkomon.
Li tzolom «Tenq’aheb’ laakok’al re naq ink’a’ te’xuwaq naq te’rab’i eb’ li esil» naxk’ut li na’leb’ li naqataw sa’ li Santil Hu li natenq’ank, re naq eb’ li kok’al ink’a’ te’xuwaq naq te’rab’i li esil chirix li ch’a’ajkilal.

Sa’ li kutan lunes 6 re febrero 2023, xe’wank eb’ li hiik li ke’xtoch’ li tenamit Turquía ut Siria.

«Sa’ li kutan lunes, jun li xnimal ru hiik kixkamsiheb’ numenaq 3,700 chi poyanam sa’ xteepal Turquía ut Siria. Jun chik li nimla ch’a’ajkilal a’an naq q’axal ke, jo’kan naq jwal ra yookeb’ xk’ulb’al li kristi’aan li xe’toch’e’k malaj li xe’juk’e’k li rochoch. Li hab’alq’e naxch’a’ajki ajwi’ xtawb’aleb’ li kristi’aan li xe’kanaak rub’el eb’ li ochoch li xe’t’ane’k» (Reuters, 6 re febrero 2023).

Naraho’k qach’ool rab’inkil chirix li rahilal a’in. Naq yooqo xnumsinkil junaq li ch’a’ajkilal, naru tqasik’ xtenq’ li Jehob’a, a’an «li Yos q’axal aj k’ojob’anel ch’oolej» (2 Corintios 1:3, SBG). A’an naxb’aanu li na’ajmank «re naq rik’in […] li xk’ojob’ankil li qaanm naxk’e li Santil Hu chiwanq xnimal qoyb’enihom» (Romanos 15:4, SBG).

Sa’ li Santil Hu naqatzol a’in:

Li kiyeemank chaq chirix eb’ li nimla hiik.
B’ar tqataw qoyb’enihom ut xk’ojob’ankil qach’ool?
K’aru tixb’aanu li Yos re risinkil chixjunil li rahilal?

Wi nakaawaj xnawb’al li naxye li Santil Hu chirix li na’leb’ a’in, taawil:

a Li xk’ab’a’ li Yos a’an Jehob’a (Salmo 83:18, La Biblia. Traducción del Nuevo Mundo, 2019 sa’ español).