Naabʼalebʼ nekeʼrekʼa ribʼ xjunes: chanru xqʼaxbʼal ru li chʼaʼajkilal aʼin?

• «Kachʼin chik ma xyijachil rehebʼ li poyanam re li tenamit Estados Unidos nekeʼxye naq xjunes nekeʼrekʼa ribʼ. Saʼ xyanqebʼ aʼin wankebʼ li toj saajebʼ» (Informe de la máxima autoridad en salud pública de Estados Unidos sobre la soledad y el aislamiento, 2023).

• «Li nimla molam chirix li kawilal (OMS) xye resil naq tixkʼubʼ jun li chʼuut re wank saʼ komonil re naq inkʼaʼ chik teʼwanq saʼ junesal ebʼ li poyanam, xbʼaan naq yook xkʼebʼal saʼ chʼaʼajkilal li kawilal, li rajom a’an naq eb’ li poyanam te’xnaw wank sa’ komonil, jo’kan ajwiʼ naq te’xk’e xq’e chi xtuqub’ankil ru li chʼaʼajkilal aʼin saʼebʼ li junchʼol chi tenamit aʼ yaal li xbʼihomalebʼ» (Li nimla molam chirix li kawilal (OMS), 15 re noviembre 2023).

Li Santil Hu naxkʼe chaabʼil naʼlebʼ re naq tqanaw wank saʼ chaabʼilal ut saʼ komonil.

Naʼlebʼ li naxkʼe li Santil Hu

Kanabʼ xbʼaanunkil junjunq ebʼ li naʼlebʼ li nakatxnajtobʼresi rikʼinebʼ li junchʼol. Jun rehebʼ li naʼlebʼ aʼin, aʼan roksinkil numtajenaq wiʼ chik li redes sociales. Numsi bʼan laahoonal rikʼin jalan chik ebʼ li poyanam ut sikʼ laachaabʼil amiiw.

• Li Santil Hu naxye: «Li tzʼaqal amiiw junelik narahok; saʼ xqʼehil junaq rahilal tatxtenqʼa joʼ junaq tz’aqal asb’ej» (Proverbios 17:17, Li Santil Hu, Sociedad Bíblica de Guatemala).

Sik’ chanru xtenq’ankileb’ li junch’ol. Xtenqʼankilebʼ li junchʼol naxkawresi li qamiiwil, naxbʼaanu naq sa tqekʼa qibʼ ut naxkʼe xsahil qachʼool.

• Li Santil Hu naxye: «Numtajenaq li sahil chʼoolejil natawmank saʼ li kʼehok chiru li kʼuluk» (Hechos 20:35).

Wi taawaj xnawbʼal xkomon ebʼ li raqal re li Santil Hu li tatxtenqʼa chi xtawbʼal ebʼ laachaabʼil amiiw, naru tat-oq saʼ li qanaʼaj saʼ internet.