Taqe’q sa’ li tz’e: Marek M. Berezowski/Anadolu Agency via Getty Images; taq’a sa’ li nim: Halfpoint Images/Moment via Getty Images; sa’ xyi: Zhai Yujia/China News Service/VCG via Getty Images; taqe’q sa’ li nim: Ismail Sen/Anadolu Agency via Getty Images; taq’a sa’ li nim: E+/taseffski/via Getty Images
JUNELIK AJ’AJAQ QU!
2023: Li chihab’ b’arwi’ xnumtaak li ch’a’ajkilal | K’aru naxye li Santil Hu?
Jo’ naxye li Santil Hu, li xk’ulmank chaq sa’ li chihab’ 2023 naxk’ut chiqu naq wanko «sa’ xraqik eb’ li kutan» (2 Timoteo 3:1). Li yook chi k’ulmank naxk’am rib’ rik’in li kixye chaq li Santil Hu chirix eb’ li kutan li wanko wi’. Chaawil eb’ li eetalil.
Li Santil Hu ut li yook chi k’ulmank sa’ chixjunil li Ruuchich’och’
«Teerab’i resil naq sa’ jalan jalanq chi tenamit yooq li yalok u» (Mateo 24:6).
«Eb’ li ch’a’ajkilal yook chi numtaak sa’ jalan jalanq chi na’ajej re li Ruuchich’och’».a
Chaawil eb’ li tzolom «Ani tkoloq reheb’ li kristi’aan?» ut «Li sachomq re xkawresinkil li yalok u sa’ chixjunil li Ruuchich’och’».
«Twanq ninqi hiik sa’ naab’al chi na’ajej» (Marcos 13:8).
«Chalen naq xtiklaak li chihab’ 2023 toj anaqwan kiwank 13 li xninqal ru hiik re 7 li xkawilal li xmetz’ew malaj jwal kaw wi’ chik chi’us chiru a’in sa’ chixjunil li Ruuchich’och’. Maajunwa wanjenaqeb’ kawil hiik jo’ li yookeb’ chi k’ulmank anaqwan».b
Chaawil li tzolom «Eb’ li xninqal ru hiik sa’ li tenamit Turquía ut Siria».
«Tk’utunq xninqal ru eetalil» (Lucas 21:11).
«Li xq’ehil li xkawil li saq’e sa’ chixjunil li Ruuchich’och’ kiraqe’k. Xtiklaak li xq’ehil li woqxink sa’ li Ruuchich’och’»( Laj António Guterres, li nataqlank sa’ li ch’uut re Naciones Unidas).c
Chaawil li tzolom «Li xkawil li saq’e sa’ chixjunil li Ruuchich’och’ sa’ 2023».
«We’ej» (Mateo 24:7).
«2023: Jun chik chihab’ li jwal nach’a’ajko’k chiruheb’ li neke’xyal xq’e xch’olaninkileb’ li xjunkab’al».d
Chaawil li tzolom «Yook chi numtaak li we’ej xb’aan li yalok u ut naq najalaak li qasutam».
«Kawaq li wank ut q’axal ch’a’ajkaq xnumsinkil» (2 Timoteo 3:1).
«Jun reheb’ li waqxaqib’ li poyanam sa’ chixjunil li Ruuchich’och’ wank xyajel sa’ xk’a’uxl».e
Chaawil li tzolom «Yook chi numtaak li yajel sa’ xk’a’uxeb’ li saaj».
K’aru tkulmanq sa’ li chihab’ 2024?
Maa’ani ch’olch’o chiru li k’aru tk’ulmanq sa’ li chihab’ li chalk re. Ab’anan, li k’aru yook chi k’ulmank sa’ li Ruuchich’och’ naxk’ut naq chi seeb’ li X’awab’ejilal li Yos, malaj, li X’awab’ejilal li wank sa’ choxa, tkanaaq cho’q reqaj eb’ li awab’ejilal li winq ut tixsachq chixjunil li rahilal li narahob’tesink qe (Daniel 2:44; Apocalipsis 21:4).
Ab’anan, wi anaqwan na’ok li qak’a’uxl, naru tqapatz’ qatenq’ re li Yos. Li Santil Hu naxye:
«Naq k’ajo’ linxiw, k’ojk’o linch’ool aawik’in» (Salmo 56:4, Li Santil Hu, Sociedad Bíblica de Guatemala).
Chanru naru tooruuq xk’utb’esinkil naq k’ojk’o qach’ool rik’in li Yos? Nakaatqab’oq re naq taanaw eb’ li yeechi’om li na’aatinak wi’ li Santil Hu chirix li kutan naq maak’a’aq chik li rahilal. Yal xtzolb’al li Santil Hu qik’in re naq taanaw chanru eb’ li yeechi’om li naxye li Santil Hu naru nakaatxtenq’a laa’at ut laajunkab’al.
a Foreign Affairs, «A World at War: What Is Behind the Global Explosion of Violent Conflict?» (Li Ruuchich’och’ wank sa’ yalok u: K’aru wank chirix eb’ li xninqal ch’a’ajkilal li wank sa’ li Ruuchich’och’?), Li x’Emma Beals ut laj Peter Salisbury; 30 re octubre 2023.
b Esil chirixeb’ li hiik, «2023: Chi seeb’ te’wanje’q ninq’i hiik li maajunwa qilom»; mayo re 2023.
c Naciones Unidas, «Secretary-General’s Opening Remarks at Press Conference on Climate» (li kixye sa’ li preens li nataqlaank li ch’uut chirix chanru yook chi jalaak li qasutam); 27 re julio 2023.
d Li molam li naril li tzekemq, «Jun li nimla ch’a’ajkilal chirix li xmaak’a’il li tzekemq sa’ li Ruuchich’och’»
e Li nimla molam chirix li kawilal, «Día Mundial de la Salud Mental»; 10 re octubre 2023.