Chalen Keʼwank Chaq Babilonia Toj Naq Keʼxyiibʼ Wiʼ Chik li Xnubʼaal li Tenamit Jerusalen

Naq ebʼ laj Israel keʼwank chaq choʼq moos saʼ li tenamit Babilonia, keʼyaleʼk rix ebʼ li xpaabʼal. Laj Sadrac, laj Mesac ut laj Abednego keʼkuteʼk saʼ xaml. Abʼan li Yos kikolok rehebʼ. Ebʼ laj Medos ut ebʼ laj Persas keʼelk chiʼus saʼ li yalok chiruhebʼ laj Babilonia. Laj Daniel kikuteʼk saʼ xyanqebʼ li kaqkoj ut li Yos kikolok re.

Laj Ciro, li awabʼej re Persa, kirisihebʼ laj Israel choʼq moos saʼ li tenamit Babilonia. Ebʼ laj Israel keʼsutqʼiik saʼ li xtenamitebʼ naq kitzʼaqlok ru li 70 chihabʼ ut keʼok xyiibʼankil wiʼ chik li Rochoch li Yos aran Jerusalen. Abʼan li xikʼ nekeʼilok keʼxram chiruhebʼ li kʼanjel aʼin. Chiru 22 chihabʼ tana keʼxchoy xyiibʼankil li Rochoch li Yos.

Ak kinumeʼk 47 chihabʼ naq keʼxchoy xyiibʼankil li Rochoch li Yos naq laj Esdras kisutqʼiik Jerusalen re xyiibʼankil chiʼus li Rochoch li Yos. Chirix chik aʼan naq kinumeʼk 13 chihabʼ laj Nehemias kixtenqʼahebʼ laj Israel chi xyiibʼankil li xnubʼaal li tenamit Jerusalen. Chixjunil li ROʼ Tasal aʼin kikʼulmank chiru 152 chihabʼ.