Tzolom 8

Anihebʼ li xikʼ nekeʼilok re li Yos?

Laj Tza aʼan li qʼaxal xikʼ naʼilok re li Yos. Aʼan jun musiqʼej li kixqʼet ribʼ chiru li Jehobʼa ut toj yook chi xqʼetbʼal ribʼ chiru li Yos. Naxkʼe naabʼal xchʼaʼajkilal li poyanam. Laj Tza maaʼus xnaʼlebʼ, aj tikʼtiʼ ut aj kamsinel (Juan 8:44).

Laj Tza kixqʼet ribʼ chiru li Yos ut jun chʼuut li musiqʼej keʼxjunaji ribʼebʼ rikʼin. Li Santil Hu naxkʼabʼaʼiʼebʼ maaʼus aj musiqʼej (demonios). Ebʼ li maaʼus aj musiqʼej joʼ laj Tza xikʼ nekeʼril li poyanam. Nekeʼwulak chiru xrahobʼtesinkil li poyanam (Lucas 8:27). Li Jehobʼa tixsach laj Tza ut ebʼ li maaʼus aj musiqʼej chi junajwa. Ajlanbʼil kutan aj chik wankebʼ (Apocalipsis 12:12).

Wi naqaj wank choʼq ramiiw li Yos moko tqabʼaanu ta li naraj laj Tza. Laj Tza ut ebʼ li maaʼus aj musiqʼej xikʼ nekeʼril li Jehobʼa ut nekeʼraj naq laaʼo xikʼ tqil ajwiʼ li Yos. Joʼkan utan, tento naq tqakʼoxla ani naqaj xsahobʼresinkil xchʼool: laj Tza malaj li Jehobʼa. Re naq twanq qayuʼam chi junelik tento tqabʼaanu li naraj li Yos. Laj Tza naxnaw bʼalaqʼink ut yalaq chanru naxbʼaanu, chi joʼkan naabʼalebʼ nekeʼtʼaneʼk saʼ li xtikʼtiʼ (Apocalipsis 12:⁠9).