Tzolom 13

Inkʼaʼ us li qʼehink ut li tuulak

Laj Tza naraj naq tooqʼehink. Naabʼalebʼ nekeʼmayejak chiruhebʼ li xeʼtoon malaj chiruhebʼ li musiqʼej xbʼaan naq nekeʼxkʼoxla naq rikʼin aʼin teʼxkol ribʼebʼ ut inkʼaʼ teʼrahobʼtesiiq. Nekeʼxbʼaanu aʼin xbʼaan naq nekeʼxuwak chiru li xwankil li musiqʼej. Wankebʼ nekeʼroksi li kʼaʼaq re ru li nekeʼroksi laj qʼe, joʼ li kaqi kʼaam chiru xkux ruqʼebʼ, wankebʼ ajwiʼ nekeʼrukʼ ut nekeʼxyul «li bʼan» chirixebʼ xbʼaan naq nekeʼxkoʼxla naq wank xwankil. Wankebʼ ajwiʼ nekeʼxmuq li kʼaʼaq re ru saʼ rochochebʼ malaj saʼ chʼochʼ xbʼaan naq nekeʼxkʼoxla naq teʼtenqʼaaq saʼ li xyuʼamebʼ, saʼ li yakok malaj saʼ li sumwank.

Wi laaʼo ramiiw li Jehobʼa naru tookoleʼq chiru laj Tza. Jwal nim li xwankil li Jehobʼa ut ebʼ li xʼanjel chiru xwankil laj Tza ut ebʼ li maaʼus aj musiqʼej (Santiago 2:19; Apocalipsis 12:9). Li Jehobʼa qʼaxal naraj roksinkil li xwankil saʼ xkʼabʼaʼebʼ li ramiiw, li tiikebʼ xchʼool (2 Crónicas 16:9).

Li raatin li Yos naxye: «Meebʼaanu li qʼehibʼk». Li Jehobʼa xikʼ naril li qʼehink ut li tuulak xbʼaan naq aʼin nokooxkʼe rubʼel roq ruq laj Tza (Levítico 19:26).