Tzolom 14

Ebʼ li ramiiw li yos inkʼaʼ nekeʼxbʼaanu li maaʼusilal

Laj Tza naraj naq tqabʼaanu li maaʼusilal. Wi naqaj wank choʼq ramiiw li Jehobʼa tento naq tqatzʼeqtaana li maaʼusilal (Salmo 97:10). Aʼin junebʼ re li maaʼusilal li inkʼaʼ nekeʼxbʼaanu ebʼ li ramiiw li Yos:

Li muxuk ibʼ. «Matmuxuk sumlaak.» (Éxodo 20:14.) Joʼkan ajwiʼ moko us ta li koʼbʼeetak ut li yumbʼeetak (1 Corintios 6:18).

Li kalaak. «Ebʼ laj kalajenaq [...] inkʼaʼ teʼreechani li xnimajwal [awabʼejilal] li Yos» (1 Corintios 6:10).

Li kamsink ut li tzʼeqok kʼuulaʼal. «Maaʼani aakamsi.» (Éxodo 20:13.)

Li elqʼak. «Mat–elqʼak.» (Éxodo 20:15.)

Li tikʼtiʼ. Li Jehobʼa xikʼ naril li tikʼtiʼik (Proverbios 6:17).

Li raaxiikʼ ut li josqʼink. Li Jehobʼa «xikʼ naril li narahink re li raaxiikʼ» (Salmo 11:5). Li «josqʼink» nachalk ajwiʼ rikʼin li tibʼelej (Gálatas 5:19, 20).

Li bʼuulink rix tumin. «Meejunaji eeribʼ rikʼinebʼ [...] aj rahinel ru bʼihomal.» (1 Corintios 5:11.)

Li xikʼ ilok li wank saʼ xyanqebʼ li tenamit ut teepal. «Cherahaqebʼ li xikʼ nekeʼilok eere ut chextijoq chirixebʼ li nekeʼrahobʼtesink eere.» (Mateo 5:43, 44.)

Chixjunil li naxye qe li Yos us choʼq qe. Mare chʼaʼaj choʼq aawe xkanabʼankil li yibʼ ru aj naʼlebʼ, abʼan li Jehobʼa ut ebʼ li xTestiiw naru tateʼxtenqʼa. Li Yos inkʼaʼ nawulak chiru li maaʼusilal. (Isaías 48:17; Filipenses 4:13; Hebreos 10:24, 25).