Naʼlebʼan saʼ tuulanil

Li kixbʼaanu li Jesús

BʼIDEO: Li Jesús naxkʼirtasi jun li mutzʼ

1. Taawil li BʼIDEO malaj taayaabʼasi Juan 9:​1-7. Chirix chik aʼan taatzʼil rix ebʼ li patzʼom aʼin:

1. Kʼaru kixbʼaanu xbʼeenwa li Jesús: xkʼirtasinkil li mutzʼ malaj xkʼebʼal chi naweʼk li chaabʼil esil? (Taayaabʼasi Juan 9:​35-38).

2. Kʼaʼut nakaaye naq li winq kiraj rabʼinkil li Jesús?

Kʼaru naqatzol rikʼin li Jesús?

2. Maare li qas qiitzʼin traj qabʼinkil, wi narekʼa naq naqakʼe qachʼool chirix.

Kʼam aawe rikʼin li Jesús

3. Taw ru li qas qiitzʼin. Yal xkʼoxlankil chanru narekʼa ribʼ li qas qiitzʼin .

1. Bʼaanu aawe ebʼ li patzʼom aʼin: «Chirix kʼaru yook xkʼaʼuxl? Chirix kʼaru nawulak chiru aatinak ut chanru ttenqʼaaq?». Ebʼ li patzʼom aʼin tatxtenqʼa chi raatinankil saʼ tuulanil joʼ nakaabʼaanu rajlal.

2. Kʼe aachʼool chi rabʼinkil re naq taakʼutbʼesi chiru naq oxloqʼ chaawu li yook xkʼulbʼal. Wi li qas qiitzʼin naʼok xyeebʼal aawe junaq li chʼaʼajkilal malaj chanru narekʼa ribʼ, mat-aatinak chirix jalan chik li naʼlebʼ.

4. Aatinan saʼ chaabʼilal ut oxloqʼaq chaawu li qas qiitzʼin. Naq naqil xtoqʼobʼaal ru junaq li qas qiitzʼin ut naqaj xtenqʼankil, nakʼutunk saʼ li xyaabʼ li qakux. Joʼkan naq, weent taabʼaanu rikʼin taaye ut chanru taaye. Maaye junaq li aatin li tixtochʼ xchʼool li qas qiitzʼin.

5. Tenqʼa. Naq tixkʼe ribʼ, tenqʼa li qas qiitzʼin. Naq tqatenqʼa li qas qiitzʼin, aʼin naru naxbʼaanu naq tqatikibʼ aatinak rikʼin.