Tzol chiʼus li puktesink, kʼoxla kʼaru taabʼaanu re naq tatruuq rulaʼaninkil

Kʼaʼut aajel ru xbʼaanunkil. Wi junaq li qas qiitzʼin naraj rabʼinkil li resil li Yos, toosutqʼiiq naq wanq saʼ rochoch re xtaqresinkil riyajil li yaal li xqakanabʼ re (1 Cor. 3:6). Re xbʼaanunkil aʼin, wank sut, aajel ru xpatzʼbʼal re joqʼe tooruuq chi sutqʼiiq re rulaʼaninkil. Joʼkan ajwiʼ, us xkanabʼankil jun li patzʼom re naq wanq saʼ li xchʼool ut naq toosutqʼiiq chi rulaʼaninkil, tqasume li patzʼom. Wi li patzʼom xqisi saʼ li tasal hu li xqakanabʼ re, maare tril xsaʼ li hu. Moko chʼaʼajkaq ta chiqu sutqʼiik naq ak xqakʼoxla li naʼlebʼ li tqatzol, ut li qas qiitzʼin ak tixnaw ajwiʼ chirix kʼaru tooʼaatinaq rikʼin. Naq toowulaq rikʼin, tqaye naq wanko aran re xsumenkil li patzʼom li xqakanabʼ saʼ li xbʼeen sut ut tooʼoq xchʼolobʼankil chiru.