Tzol chiʼus li puktesink: Ulaʼanihebʼ wiʼ chik

KʼAʼUT US XBʼAANUNKIL. Naabʼalebʼ li poyanam li nekeʼraj rabʼinkil li esil chirix li Xʼawabʼejilal li Yos yookebʼ xsikʼbʼal li yaal chirix li Yos (Isa 55:6). Re naq teʼkʼiiq saʼ li xtzolbʼalebʼ, inkʼaʼ tqakanabʼ rulaʼaninkilebʼ. Ebʼ li poyanam nekeʼxkʼul yalaq kʼaru chi chʼaʼajkilal joʼkan naq tento tqoksi jalan jalanq ebʼ li naʼlebʼ re naq junelik teʼraj xtzolbʼal li yaal. Abʼanan, us t-elq li qakʼanjel wi naqakawresi qibʼ chiʼus ut wi naqakʼoxla li naqaj xtawbʼal rajlal sut naq naqulaʼani chaq, aʼan xtzolbʼal chirix li Santil Hu.

CHANRU XBʼAANUNKIL:

• Kʼe aachʼool chi sutqʼiik saʼ junpaat, minumeʼk naabʼal kutan (Mt 13:19).

• Seʼseʼaq aawu ut chaabʼilaq aanaʼlebʼ rikʼin. Maakʼut naq yook aaxiw.

• Tikibʼ rikʼin xkʼebʼal xsahil xchʼool. Taaye li xkʼabʼaʼ naq tat-aatinaq rikʼin. Ye re kʼaʼut xatsutqʼiik chaq: re xsumenkil jun li patzʼom, xkʼebʼal re jun li akʼil hu, xkʼutbʼal chiru li qanaʼaj saʼ Internet, jun li bʼideo malaj xkʼutbʼal chiru chanru naqatzolebʼ li poyanam chirix li Santil Hu. Wi li poyanam naʼaatinak chirix jun chik naʼlebʼ, jal ru li naʼlebʼ li xaakʼoxla xyeebʼal re (Flp 2:4).

• Kʼe xhaʼil li riyajil li yaal li xaakanabʼ saʼ xchʼool rikʼin jun raqal li Santil Hu malaj rikʼin jun li hu (1Co 3:6). Yal xkʼambʼal aawibʼ saʼ usilal rikʼin.

• Kanabʼ jun li patzʼom malaj jun li hu re naq taawulaʼani.