Tzol chiʼus li puktesink: kʼubʼ junaq li patzʼom malaj li hu re naq tatruuq rulaʼaninkil

KʼAʼUT US XBʼAANUNKIL:

Naqaj xtaqresinkil riyajil li yaal li xqaw chaq (1Co 3:6). Wi naqataw junaq li poyanam li nawulak chiru li esil, tqakanabʼ re jun li patzʼom re naq tqasume naq tookʼulunq rulaʼaninkil wiʼ chik. Li patzʼom tkanaaq saʼ xchʼool li poyanam ut moko chʼaʼajkaq ta chiqu xtzolbʼal qibʼ re rulaʼaninkil wiʼ chik. Naq tqulaʼani, tqaye naq xoochalk chi xsumenkil li patzʼom.

CHANRU XBʼAANUNKIL:

• Naq taakʼubʼ aawibʼ choʼq re li puktesink chirekabʼlal, taakʼoxla kʼaru li patzʼom taakanabʼ re li poyanam re naq taawulaʼani saʼ jun chik kutan. Naru nakaasikʼ junaq li patzʼom li wank saʼ li tasal hu li taakanabʼ re. Joʼkan ajwiʼ, naru nakaawisi li patzʼom saʼ jun rehebʼ li tasal hu li naqoksi re xtzolbʼalebʼ li poyanam ut taakʼam naq taawulaʼani chaq wiʼ chik.

• Naq tatraqeʼq chi aatinak rikʼin junaq li poyanam li xwulak chiru li esil, taaye re naq taawaj raj aatinak rikʼin saʼ jun chik kutan ut taakanabʼ saʼ xchʼool li patzʼom li kʼubʼanbʼil aabʼan. Ut wi naruhank, naru nakaapatzʼ re li xkʼabʼaʼ ut xnumril li xselular.

• Wi ak xaqabʼanbʼil xhoonalil laawulajik, tento tatwulaq (Mt 5:37).