Qoksihaq jw.org saʼ li puktesink: «Ebʼ li patzʼom chirix li Santil Hu»

Saʼ jw.org wank «Enseñanzas bíblicas» ut aran taataw «Preguntas sobre la Biblia». Jwal chaabʼil choʼq re li puktesink ebʼ li naʼlebʼ li wank aran. Ut wi junaq li qas qiitzʼin tixbʼaanu junaq li patzʼom, naru naqakʼut chiru li qanaʼaj saʼ Internet re xsumenkil li xpatzʼom. Tooruuq ajwiʼ roksinkil ebʼ li patzʼom re naq tqatikibʼ aatinak rikʼin junaq li qas qiitzʼin. Qakʼoxlaq aʼin, naru naqasikʼ junaq li patzʼom li twulaq chiru, tqapatzʼ re kʼaru naxkʼoxla ut chirix chik aʼan tqachʼolobʼ kʼaru naxye li Santil Hu rikʼin li naʼlebʼ li xqisi saʼ jw.org. Chirix chik aʼan tqaye re, naq saʼ jw.org xqataw li naʼlebʼ aʼin, tojaʼ naq tqakʼut chiru li qanaʼaj saʼ Internet. Joʼkan ajwiʼ, naru teʼril xsumenkil li patzʼom saʼ li qanaʼaj saʼ Internet. Li rixaqil jun li cheekel winq li naʼulaʼanink chʼuut kixye chirix aʼin: «Naabʼalebʼ li qas qiitzʼin nekeʼxkʼoxla, ma li Yos nakʼamok chaq re li rahilal. Ma nakaawaj raj xnawbʼal li xsumenkil? Tinkʼut chaawu saʼ junpaat». Tojaʼ naq naxkʼe chi rabʼinkil li naʼlebʼ li wank saʼ li xselular li kirisi chaq saʼ jw.org, ut re xraqbʼal naxkʼut chiru li tzolom 11 re li tasal hu Kʼaru naxchʼolobʼ?