QAYUʼAM JOʼ AJ PAABʼANEL
Qakʼutaq xchaabʼilal qanaʼlebʼ naq toopuktesinq chirekabʼlal
Laaʼo joʼ aj paabʼanel «kʼeebʼilo chi kaʼyaak» xbʼaanebʼ li poyanam (1Co 4:9). Joʼkan naq, inkʼaʼ raj tsachq qachʼool naq ebʼ laj echal ochoch nokooʼeʼril saʼebʼ xbʼentaan malaj nokooʼeʼrabʼi chirix li rokebʼaalebʼ. Maare nekeʼroksi ebʼ li kʼanjelobʼaal re qilbʼal, re qabʼinkil ut re xokbʼal li naqaye. Us naq wank saʼ qachʼool ebʼ li naʼlebʼ aʼin re naq tqakʼutbʼesi xchaabʼilal ru qanaʼlebʼ naq toopuktesinq chirekabʼlal (2Co 6:3).
LI QABʼAANUHOM (Flp 1:27)
Tqakʼutbʼesi naq oxloqʼ chiqu ebʼ li poyanam wiʼ inkʼaʼ nokooʼok chi chʼuukink saʼebʼ li rochoch. Naq wanqo saʼ rokebʼaalebʼ, inkʼaʼ toowaʼaq, tooʼukʼaq, tooʼaatinaq saʼ selular chi moko tqataqla ebʼ li esil.
LI QAATIN (Ef 4:29)
Naq yooqo roybʼeninkil naq teʼxte li okebʼaal, miqaye junaq li aatin li inkʼaʼ naqaj naq trabʼi laj echal ochoch. Wankebʼ laj puktesinel nekeʼxkanabʼ aatinak rikʼin li rech aj puktesinel re xkʼubʼankil ut xkʼoxlankil li teʼxye.