Ma naru taakʼe laahoonal ut laametzʼew?

Joʼ kixye laj Isaías, li xmolam li Jehobʼa li wank saʼ Ruuchichʼochʼ yook chi kʼiik joʼ maajunwa ilbʼil chaq (Is 54:2). Joʼkan naq naʼajmank naabʼal li Chʼutlebʼaal Kabʼl, nimla Chʼutlebʼaal Kabʼl ut ebʼ li ochoch re Betel. Naq ak xkabʼlamank naʼajmank xyiibʼankil li kipoʼek malaj li naraj naabʼal li kʼanjel. Ebʼ li kʼanjel aʼin naxbʼaanu naq tqakʼe re li Jehobʼa li qahoonal ut li qametzʼew. Qayehaq:

• Naru nokootzʼaqonk saʼ li qachʼuut re xsaabʼesinkil li Chʼutlebʼaal Kabʼl.

• Naru naqakʼul qatzolbʼal chirix chanru xyiibʼankil li kipoʼek saʼ li Chʼutlebʼaal Kabʼl.

• Naru naqanujtesi li hu Solicitud de voluntario local de diseño y construcción (DC-50) re tenqʼank saʼ li kabʼlak malaj xyiibʼankil li kipoʼek.

• Naru naqanujtesi li hu Solicitud para el programa de voluntarios (A-19) re tenqʼank chiru jun malaj naabʼal xamaan saʼ Betel malaj saʼ jun chik kʼanjel saʼ li teep li naril li qamolam.

NAQ AK XAAWIL LI BʼIDEO XKABʼLANKIL JUN LI AKʼ OCHOCH (MOKO CHIXJUNIL TA), TAASUME EBʼ LI PATZʼOM AʼIN:

• Chanru nakʼutunk naq yook chi oksimank naabʼal li bʼideo chalen 2014?

• Re xkʼubʼankil naabʼal li bʼideo, kʼaru li kʼanjel tbʼaanumanq ut joqʼe traqeʼq?

• Chanru teʼruuq chi tenqʼank li nekeʼraj tzʼaqonk saʼ li kʼanjel aʼin?

• Wi naqaj tenqʼank saʼ li kabʼlak re Rámapo, kʼaʼut aajel ru naq tqanujtesi li hu DC-50 ut tootenqʼanq rikʼinebʼ laj LDC?

• Chanru naqanaw naq li Jehobʼa yook xbʼeresinkil li kʼanjel aʼin?

• Chanru tootenqʼanq wi inkʼaʼ tooruuq chi tzʼaqonk saʼ li kabʼlak?