QAYUʼAM JOʼ AJ PAABʼANEL
Qakawresihaq qibʼ saʼ li «rosoʼjikebʼ li kutan» aʼin
Naqanaw naq saʼ li «rosoʼjikebʼ li kutan» aʼin, yook chi numtaak li chʼaʼajkilal (2Ti 3:1, SBG; nwtsty xyaalalil li naʼlebʼ re tzolok Mt 24:8). Li Jehobʼa naxye qe li tqabʼaanu naq tchalq junaq li rahilal re xkolbʼal li qayuʼam. Wi tooʼabʼinq ut tqakawresi qibʼ anaqwan joʼ ajwiʼ li qapaabʼal tooruuq chi koleʼk naq tchalq junaq li rahilal (Lu 16:10).
Kawresi laapaabʼal. Kʼaytesi aawibʼ chi rilbʼal li Santil Hu ut chi tzolok. Yal aaqʼe chi puktesink yalaq chan ru. Matxuwak wi anaqwan inkʼaʼ nakatruuk chi wank rikʼinebʼ li hermaan (Is 30:15). Jultika naq li Jehobʼa ut li Jesús maajunwa tateʼxkanabʼ (od-S 175, 176 raqal 15-17).
Kawresi aawibʼ. Kʼubʼ junaq laamochiil re xnumsinkil li rahilal, tento ajwiʼ naq laajunkabʼal teʼxxok bʼayaq li tzakahemq, li haʼ, li bʼan ut jalan chik wi aajel ru naq texkanaaq saʼ leerochoch chiru naabʼal kutan (Pr 22:3; g17.5-S 4, 6).
NAQ AK XAAWIL LI BʼIDEO CHANRU XKAWRESINKIL QIBʼ RE JUNAQ NIMLA RAHILAL?, TAASUME EBʼ LI PATZʼOM AʼIN:
Chanru tqakawresi qapaabʼal naq tchalq jun li rahilal?
Kʼaʼut aajel ru...
... naq wanqo saʼ aatin rikʼinebʼ li cheekel winq?
... naq tqakʼubʼ li tkʼanjelaq chiqu saʼ li hoonal aʼan?
... naq tooʼaatinaq chirix li rahilal li naru tchalq saʼ qabʼeen ut li tooruuq xbʼaanunkil?
Kʼaru oxibʼ chi naʼlebʼ tooruuq xbʼaanunkil re tenqʼank?
KʼOXLA AʼIN: «Chanru xinxtenqʼa li COVID-19 chi xkawresinkil wibʼ?».