Ma kawresinbʼilat re xnumsinkil li rahilal?

Naq yooq chaq chi nachʼok li rosoʼjik li xmaaʼusilal li ruuchichʼochʼ aʼin, twanq li mululij ibʼ, li kamsink ibʼ ut li yalok (Ap 6:4). Kʼaru tqabʼaanu re naq kawresinbʼilaqo chi xnumsinkil aʼin?

• Kawresi laapaabʼal. Kʼoxla li naʼlebʼ ut ebʼ li eetalil li wank saʼ li Santil Hu li tatxtenqʼa re naq kʼojkʼooq aachʼool chirix li Jehobʼa ut li xmolam, ut re naq inkʼaʼ tattzʼaqonq saʼ li xnaʼlebʼ li ruuchichʼochʼ (Pr 12:5; jr-S 125, 126 raqal 23, 24). Anaqwan tzʼaqal xhoonalil re naq taasikʼ ebʼ laawamiiw saʼ li chʼuut (1Pe 4:7, 8).

• Kawresi chixjunil li naʼajmank chaawu. Xok bʼayaq laatzekemq ut kʼubʼ junaq li naʼlebʼ wi tento tatkanaaq saʼ laawochoch re xkolbʼal aawibʼ. Kʼubʼ ajwiʼ junaq li naʼlebʼ wi tento taakanabʼ laawochoch. Il chiʼus kʼaru wank saʼ laamochiil ut misach saʼ laachʼool xkʼebʼal li tumin ut li t-ajmanq chaawu joʼ xtzʼapbʼal aawe malaj jalan chik. Wanq aawikʼin li xnumril li xselular ebʼ li cheekel winq ut taakʼe laawe rehebʼ (Is 32:2; g17.5-S 3-7).

Naq yooq li mululij ibʼ, maakanabʼ xbʼaanunkil li xkʼanjel li Yos (Flp 1:10). Mat-elk chi kokʼaj xsaʼ wi inkʼaʼ aajel ru (Mt 10:16). Wotz li kʼaru aawe rikʼinebʼ li junchʼol (Ro 12:13).

NAQ AK XAAWIL LI BʼIDEO MA AK KAWRESINBʼILAT RE JUNAQ NIMLA RAHILAL?, TAASUME EBʼ LI PATZʼOM AʼIN:

• Chanru naru tooxtenqʼa li Jehobʼa saʼ junaq li rahilal?

• Kʼaru tooruuq xbʼaanunkil re xkawresinkil qibʼ?

• Chanru tooruuq xtenqʼankilebʼ li junchʼol?