Kʼut chiruhebʼ laatzolom kʼiik saʼ li xpaabʼal

Re naq laatzolom tixnaw ru li Jehobʼa ut tkʼiiq saʼ li xpaabʼal, moko kaʼaj tawiʼ tixnaw li xbʼeen naʼlebʼ li naxkʼut li Santil Hu (Mt 5:3; Heb 5:12–6:2). Tento ajwiʼ tixtzol xkawresinkil ribʼ re naq kawaq li xpaabʼal.

Chalen naq t-oq chi tzolok, kʼut chiru chanru tixkawresi ribʼ chirix li tixtzol, ut ye re, naq tixbʼaanu (mwb18.03 6). Chʼolobʼ chiru naq tento ttijoq naq ok re chi tzolok xjunes. Kʼut chiru chanru roksinkil ebʼ li kʼanjelobʼaal re tzolok saʼ li xselular malaj saʼ li xtableta ut naq tril li yook chi elk saʼ jw.org ut saʼ JW Broadcasting^®. Chi chʼinqil, kʼut chiru naq tixkʼaytesi ribʼ chi rilbʼal li Santil Hu wulaj wulaj, xkawresinkil ribʼ choʼq rehebʼ li chʼutam ut xtawbʼal li xsumenkil ebʼ li xpatzʼom. Ye re, naq us naq tixnaʼlebʼa rix li yook xtzolbʼal.

NAQ AK XAAWIL LI BʼIDEO QATENQʼAQEBʼ LI QATZOLOM RE NAQ TEʼKʼIIQ SAʼ LI XPAABʼAL, TAASUME EBʼ LI PATZʼOM AʼIN:

• 

  Chanru kitenqʼaak li xCoral xbʼaan li xRita chi xtawbʼal ru naq li tzolok moko kaʼaj tawiʼ xsikʼbʼal li xsumenkil ebʼ li patzʼom?

• 

  Kʼaru kitenqʼank re li xCoral chi xtawbʼal ru naq wank xyaalalil kʼaʼut li Jehobʼa naxye naq tento tqatzʼeqtaana li muxuk ibʼ?

• 

  Kʼaru kixtaw ru li xCoral chirix li naraj xyeebʼal xnaʼlebʼankil rix li yook xtzolbʼal?