QAYUʼAM JOʼ AJ PAABʼANEL
Ex saaj, yeehomaq re leenaʼ leeyuwaʼ li wank saʼ leechʼool
Kʼaʼut tento raj taaseeraqʼi re laanaʼ laayuwaʼ li nakaakʼoxla? (Pr 23:26). Xbʼaan naq li Jehobʼa kixtenebʼ saʼ xbʼeenebʼ naq tateʼril ut tateʼxbʼeres saʼ laayuʼam (Sl 127:3, 4). Wi inkʼaʼ nakaaye rehebʼ li naxkʼe aakʼaʼuxl malaj li nakaawaj xbʼaanunkil, tchʼaʼajkoʼq chiruhebʼ aatenqʼankil. Joʼkan ajwiʼ, moko tatruuq ta xtawbʼal aanaʼlebʼ rikʼin li xeʼxkʼul saʼebʼ li xyuʼam. Abʼanan, ma tento taaye chixjunil re laanaʼ laayuwaʼ? Moko aajel ta ru, abʼan maamuq chiruhebʼ junaq li naʼlebʼ li tento teʼxnaw (Pr 3:32).
Chanru tatruuq chi aatinak rikʼin laanaʼ laayuwaʼ? Sikʼ junaq li hoonal bʼarwiʼ maaʼani laatzʼaq ru. Tatruuq ajwiʼ xtzʼiibʼankil junaq li esilhu re laanaʼ malaj laayuwaʼ bʼarwiʼ taachʼolobʼ chiru li nakaawekʼa. Abʼan, wi teʼraj aatinak chirix junaq li naʼlebʼ ut laaʼat inkʼaʼ? Jultikaq aawe naq aʼanebʼ nekeʼraj aatenqʼankil. Laanaʼ laayuwaʼ aʼanebʼ laawamiiw ut maawaʼ li xikʼ nekeʼilok aawe. Wi nakaayal aaqʼe chi xtebʼal aachʼool chiru laanaʼ laayuwaʼ, aʼin tatxtenqʼa saʼ laayuʼam anaqwan ut chi junelik (Pr 4:10-12).
NAQ AK XAAWIL LI BʼIDEO NAQ SAAJAT: CHANRU TAT-AATINAQ RIKʼIN LAANAʼ LAAYUWAʼ?, TAASUME EBʼ LI PATZʼOM AʼIN:
Kʼaru naxye li xʼEsther ut laj Partik?
Kʼaru naru nakaatzol chirix li Jesús?
Chanru nekeʼxkʼutbʼesi chaawu laanaʼ laayuwaʼ naq nakateʼxra?
Laanaʼ laayuwaʼ nekeʼraj naq us tat-elq saʼ laayuʼam.
Kʼaru xraqal li Santil Hu tatxtenqʼa chi aatinak rikʼin laanaʼ laayuwaʼ?