XCHAQʼALIL RU LI RAATIN LI YOS

Sikʼ chiʼus rikʼin ani tatsumlaaq

Laj Salomón inkʼaʼ xkʼut naq wank xnaʼlebʼ naq kisumlaak rikʼinebʼ li ixq li nekeʼxloqʼoni li pechʼbʼil yos (1Re 11:1, 2; w18.07 18 raqal 7).

Ebʼ li rixaqil laj Salomón chi kachʼinqil xeʼxbʼaanu naq tixloqʼoni ru li pechʼbʼil yos (1Re 11:3-6; w19.01 15 raqal 6).

Li Jehobʼa kijosqʼoʼk rikʼin laj Salomón (1Re 11:9, 10; w18.07 18 raqal 9).

Jun li hermaan li toj maajiʼ nasumlaak yook xtzolbʼal li Santil Hu ut naxjultika jalan jalanq li naʼlebʼ li naxbʼaanu jun li hermaan winq li toj wank xjunes. 1. Nasumenk saʼ li chʼutam. 2. Napuktesink bʼarwiʼ nekeʼnumeʼk naabʼal li qas qiitzʼin. 3. Naxyiibʼ li napoʼeʼk saʼ li Chʼutlebʼaal Kabʼl.

Li Santil Hu naxye rehebʼ li toj wankebʼ xjunes naq wiʼ teʼsumlaaq teʼxbʼaanu «joʼ naraj li Qaawaʼ» (1Co 7:39, Li Santil Hu, Sociedad Bíblica de Guatemala, [SBG]). Moko xbʼaan ta naq kubʼenaq xhaʼ naraj xyeebʼal naq chaabʼilaq joʼ ixaqilbʼej malaj bʼeelomej. Kʼoxla aʼin: «Ma tinxtenqʼa re xloqʼoninkil ru li Jehobʼa chi anchal inchʼool? Ma yook xkʼutbʼesinkil naq relik chi yaal naxra li Jehobʼa?». Kʼe aahoonal chi xnawbʼal ru chiʼus naq toj maajiʼ nakatsumlaak rikʼin.