Li Jesukriist trisi li nebʼaʼil

Naq kiwank saʼ Ruuchichʼochʼ, li Jesús kixkʼutbʼesi naq naxrahebʼ li poyanam, qʼaxal wi chik ebʼ li wankebʼ sa nebʼaʼil ut saʼ rahilal (Mateo 9:36). Kixkʼe xyuʼam re xkolbʼal naabʼal li qas qiitzʼin (Mateo 20:28; Juan 15:13). Chi seebʼ, li Jesús tixkʼutbʼesi wiʼ chik naq qʼaxal nokooxra. Joʼ li Awabʼej xaqabʼanbʼil xbʼaan li Yos, troksi li xwankilal re risinkil li nebʼaʼil saʼ chixjunil li Ruuchichʼochʼ.

Li Jesús tixbʼaanu naq ttzʼaqloq ru li chʼinaʼusil aatin aʼin li wank saʼ li Santil Hu:

• «Chixkol taxaq ebʼ li nebʼaʼ, chixtenqʼahebʼ li toqʼobʼebʼ ru ut chixsachaq xwankil li narahobʼtesink rehebʼ» (Salmo 72:4, Li Santil Hu, Sociedad Bíblica de Guatemala).

Li Jesús naabʼal sut kiʼaatinaq chirix li «chaabʼil esil chirix li Xʼawabʼejilal li Yos» joʼkan naq, wi naqatzol qanaʼlebʼ chirix li Awabʼejilal aʼin, naqakʼutbʼesi naq naqabʼanyoxi li ak kixbʼaanu chaq li Jesús ut li tixbʼaanu chiqix (Lucas 4:43). Yaabʼasi li naʼlebʼ: «Kʼaru li Xnimajwal Awabʼejilal li Yos?»