Li Jesukriist tixsach li maaʼusilal

Li Jesús kirekʼa ajwiʼ li rahilal li naqakʼul saʼ ruqʼebʼ li maaʼusebʼ xnaʼlebʼ. Keʼxqʼabʼa, keʼxsakʼ, keʼraqok aatin, keʼxtenebʼ kamk saʼ xbʼeen ut ra keʼxbʼaanu re, naq kikamsiik. Usta maakʼaʼ xmaak, kixkʼulubʼa kamk saʼ xkʼabʼaʼebʼ li junchʼol. Kixkʼe «li xyuʼam re xkolbʼal naabʼal li qas qitzʼiin» (Mateo 20:28; Juan 15:13). Saʼ li qakutan li Jesús wank joʼ Awabʼej saʼ li Xʼawabʼejilal li Yos. Chi seebʼ tixsach chixjunil li maaʼusilal ut tixkʼam chaq li tiikilal saʼ xbʼeen li Ruuchichʼochʼ (Isaías 42:3).

Li Santil Hu naxchʼolobʼ chanruhaq li ruuchichʼochʼ naq li Jesús tixsach li maaʼusilal:

• «Maakʼaʼaqebʼ chik li inkʼaʼ usebʼ xnaʼlebʼ; us ta taasikʼebʼ saʼ li xnaʼajebʼ, abʼan maabʼar chik taatawebʼ. Aʼut ebʼ li nebʼaʼ teʼreechani li chaabʼil naʼajej. Kʼajoʼ xnimal li tuqtuukil usilal teʼxyal chi junelik!» (Salmo 37:10, 11, Li Santil Hu, Sociedad Bíblica de Guatemala).

Li Jesús naabʼal sut kiʼaatinak chirix «li chaabʼil esil chirix li Xʼawabʼejilal li Yos» joʼkan naq, naq naqatzol qanaʼlebʼ chirix li Awabʼejilal aʼin, naqakʼutbʼesi naq naqabʼanyoxi li ak kixbʼaanu chaq li Jesús ut li tixbʼaanu chiqix (Lucas 4:43). Yaabʼasi li tzolom «Kʼaru li Xnimajwal Awabʼejilal li Yos?»