Kʼaʼut chʼaʼaj xkʼambʼal chaq li tuqtuukilal saʼ chixjunil li Ruuchichʼochʼ?
Li naxsume li Santil Hu
Ebʼ li poyanam inkʼaʼ teʼruuq xjunesebʼ xkʼambʼal chaq li tuqtuukilal saʼ chixjunil li Ruuchichʼochʼ. Arin naxye kʼaʼut:
«Li winq moko aʼan ta yaal re saʼ xbʼeen li xyuʼam, chi moko saʼ ruqʼ wank li xbʼeenik» (Jeremías 10:23, Li Santil Hu, Sociedad Bíblica de Guatemala, SBG). Ebʼ li poyanam moko keʼyobʼtesiik ta re naq wanqebʼ xkʼulubʼ re xjolominkil ribʼebʼ. Joʼkan naq, inkʼaʼ nekeʼruuk xkʼambʼal chaq li tuqtuukilal chi junelik.
«Meesikʼ xkʼojobʼankil eechʼool rikʼinebʼ li xninqal ru winq: aʼan yal winqebʼ, ut inkʼaʼ naru texkoleʼq xbʼaanebʼ. Teʼelq xmusiqʼ, ut chʼochʼ teʼsutqʼiiq wiʼ: saʼ ajwiʼ li kutan aʼan taaraqeʼq chixjunil li xkʼuubʼahomebʼ» (Salmo 146:3, 4, SBG). Chi moko ebʼ li awabʼej li chaabʼilebʼ xchʼool teʼruuq risinkil li xxeʼil li yalok u.
«Chanawaq naq saʼ rosoʼjikebʼ li kutan wank honal qʼaxal chʼaʼajkaq xnumsinkil. Ebʼ li winq [...] qʼaxal josqʼaqebʼ, xikʼ teʼril li chaabʼilal, aj bʼalaqʼaqebʼ ut kawaqebʼ ribʼ chi xbʼaanunkil li inkʼaʼ us. Taanumtaaq li xqʼetqʼetilebʼ» (2 Timoteo 3:1-4, SBG). Wanko saʼ «rosoʼjikebʼ li kutan», xqʼehil bʼarwiʼ ebʼ li poyanam yiibʼebʼ ru xnaʼlebʼ ut saʼ xkʼabʼaʼ aʼin maakʼaʼ li tuqtuukilal.
«Ra chaalel saʼ eebʼeen laaʼex li ruuchichʼochʼ ut palaw, xbʼaan naq laj tza xkubʼeek eerikʼin chi kʼajoʼ xjosqʼil: naxnaw naq ajlanbʼil kutan aj chik taawanq» (Apocalipsis 12:12, SBG). Li xnimal ru musiqʼej li xikʼ naʼilok re li Yos aʼ laj Tza, xkuteʼk chaq saʼ Ruuchichʼochʼ ut yook xbʼaanunkil naq ebʼ li poyanam teʼxkʼam re rikʼin li xnaʼlebʼ chirix li rahobʼtesink chi maakʼaʼ li toqʼobʼank u. Wi aʼanaq «laj Taqlanel saʼ xbʼeen li ruuchichʼochʼ» maajunwa toowanq saʼ tuqtuukilal (Juan 12:31, SBG).
«[Li Xʼawabʼejilal li Yos] tixjukʼi ut tixputzʼihebʼ li awabʼejihom junchʼol [li xikʼ nekeʼilok re li Yos], ut aʼan wanq xwankil chi junelik» (Daniel 2:44, SBG). Li Xʼawabʼejilal li Yos bʼan tixkʼam chaq li tuqtuukilal chi junelik ut maawaʼ li xʼawabʼejilal li ruuchichʼochʼ (Salmo 145:16).