Manaka ya Lukutakanu ya Kisalu

Mposo ya Kebanda na Yanuari 14

Nkunga 41

Min. 10: Baluzayisu ya dibundu. Beno pona Baluzayisu na Kisalu na Beto ya Kimfumu. Beno sadila mabanza yina kele na lutiti ya 8 to mabanza yankaka yina mefwana na teritware na beno sambu na kumonisa mutindu ya kupesa Nzozulu ya Nkengi ya Yanuari 1 mpi Réveillez-vous ! ya Yanuari.

Min. 15: “Sadila Ntangu na Nge Mbote na Kisalu ya Kusamuna.”a Yula ngyufula yai na mpangi-bakala mosi ya kepesaka mbandu ya mbote na mutindu yandi ketwadisaka bampangi sambu na kisalu ya bilanga: Inki yandi kesalaka sambu na kudibongisa na kunata kimvuka ya bampangi na teritware mpi na kusadila ntangu mbote na kisalu ya kusamuna?

Min. 20: “Ntangu Yonso Beno Fweti Tuba Mambu ya Mbote.”b Na ntangu beno ketadila paragrafe ya 2, beno tanga Yoane 4:​7-15, 39.

Nkunga 85

Mposo ya Kebanda na Yanuari 21

Nkunga 215

Min. 10: Baluzayisu ya dibundu. Tubila mikanda yina beto takabula na Februari, mpi sadisa nsonga ya kemonisa mutindu ya kupesa mukanda mosi. Syamisa bampangi yonso na kutala video Soigner sans transfuser : besoins et droits du patient sambu na kudibongisa na disolo yina tasalama na Lukutakanu ya Kisalu na mposo ya Februari 4.

Min. 10: Keti Nge Kesadilaka Beto Fimpa Masonuku Konso Kilumbu? Diskure mpi disolo ti bawi yina mekatuka na bangogo ya luyantiku ya kamukanda Beto Fimpa Masonuku Konso Kilumbu​—⁠2008. Tubila mfunu ya kubaka ntangu konso kilumbu sambu na kutadila mukapu ya lumbu ti bakomantere na yo. Lomba bawi na kutubila manaka ya bo mesalaka sambu na kutadila mukapu ya lumbu mpi mutindu yo menatilaka bo mambote. Beno lenda yidika komantere mosi to bakomantere zole na ntwala. Tubila na bunkufi mukapu ya mvula sambu na mvu 2008.

Min. 25: “Kulonga Nsangu ya Mbote.”c (Bapar. 1-10) Nkengi na kisalu muntu tasala yo. Yula bangyufula na nsamuni mosi to bansamuni zole yina kusalaka kisalu ya kimupasudi-nzila nsadisi na mvula meluta, ata bo vandaka ti mambu mingi ya kusala to ata bo kele ti kifu mosi na nitu. Inki mutindu bo kukaka kusala yo? Inki kyese bo mebakaka? Ntangu beno tatadila paragrafe ya 7, pesa manaka sambu na balukutakanu ya kisalu ya bilanga na nsungi ya Marsi, Aprili, mpi Mayi.

Nkunga 177

Mposo ya Kebanda na Yanuari 28

Nkunga 52

Min. 10: Baluzayisu ya dibundu. Yibusa bansamuni na kupesa rapore na bo ya Yanuari. Tanga rapore ya konti ti mukanda ya la Société metinda sambu na kupesa mersi na dibundu. Disolo ti bawi ya mekatuka na Nzozulu ya Nkengi ya Februari 1 ti Réveillez-vous ! ya Februari. Na nima ya kutubila na bunkufi mambu yina kele na kati ya Nzozulu ya Nkengi ti Réveillez-vous ! yai, yula bawi nki masolo lenda benda dikebi ya bantu na teritware mpi sambu na nki. Lomba bo na kutubila mwa bangindu ya sikisiki ya masolo yina bo kekana kusadila. Inki ngyufula bo lenda yula sambu na kuyantika disolo? Inki verse yina kele na disolo bo lenda tanga? Inki kuwakana kele na kati ya verse yango ti disolo ya bo kezola kutubila? Sadila mbandu ya bangogo ya kukotila na masolo yina kele na lutiti ya 8 sambu na kumonisa mutindu ya kupesa konso zulunalu.

Min. 20: “Kulonga Nsangu ya Mbote.”d (Bapar. 11-17) Kana ba emvitasio ya sipesiali ya Lusungiminu kele, beno pesa kopi na yo na bantu yonso na ntangu beno tatadila paragrafe ya 14. Tubila bangidika yina dibundu mebaka sambu na kukabula yo na teritware.

Min. 15: “Sadisa Balongoki ya Biblia na Kukuma Bansamuni ya Nsangu ya Mbote ya Kimfumu.”e Kana ntangu kele, lomba bawi na kupesa bakomantere na baverse yina bo mevutukila ve bangogo na yo.

Nkunga 22

Mposo ya Kebanda na Februari 4

Nkunga 161

Min. 10: Baluzayisu ya dibundu. Tadila Bamvutu na Bangyufula na Beno.

Min. 10: Bampusa ya dibundu.

Min. 25: “Keti Nge Kevutula na Nima Kilumbu ya Kufulusa Yo?” Nkuluntu mosi muntu tasala yo. Yantika mbala mosi ti disolo ya video Besoins et droits du patient, mpi sadila bangyufula yina bo mepesa na disolo yango. Sambu na kusukisa disolo, tanga paragrafe ya nsuka mpi syamisa bantu yonso na kutadila dyaka na dikebi yonso masolo ya Nzozulu ya Nkengi ti ya Kisalu na Beto ya Kimfumu ya bo metubila. Tendula mutindu konso muntu yina mesala yo ntete ve lenda sadila bakopi zole yina kele na ngika ya Novembri 2006 ya Kisalu na Beto ya Kimfumu sambu na kuzaba badesizio yandi fwete baka na yina metala kusadila bima ya fyotifyoti ya menga mpi bametode ya kusansila yina kelombaka kusadila menga na yandi mosi, ebuna kusonika bansola yina yandi mesala na karte na yandi Instructions médicales (DPA). Bampangi yina mefulusaka dezia karte yai lenda tadila dyaka bansola yina bo salaka ntete, mpi kuzikisa kana yo kele mfunu na kufulusa karte yankaka.

Nkunga 4

[Banoti na nsi ya lutiti]