Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Desembri 1

“Keti nge kendima nde mbala mingi bibuti yina kesansaka bana bo mosi kemonaka mpasi mingi kuluta bibuti yina kesansaka bana bo zole? [Bika muntu yango kupesa mvutu.] Biblia kesyamisa beto na kusadila bantu yina kekutana ti bampasi mambu na kutadilaka mawi na bo. [Tanga Nkunga 41:2.] Disolo yina keyantika na lutiti 22 ketendula mutindu beto lenda monisa nde beto ketadilaka mawi ya bibuti yina kesansaka bana bo mosi.”

Reveillez-vous! Desembri

“Bantu mingi mekudiyulaka nde, ‘Kana Nzambi kele, sambu na nki yandi kefwa ve Dyabulu?’ Keti nge mekudiyulaka dezia ngyufula yina? [Bika muntu yango kupesa mvutu.] Disolo yai ya kele na balutiti 10 mpi 11 kepesa mvutu ya mekatuka na Biblia. Yo kesonga beto mpi mutindu ntoto takuma ntangu Dyabulu tafwa.” Tanga Kusonga 21:3, 4.

Nzozulu ya Nkengi Yanuari 1

“Bantu mingi kekwikilaka nde masamba ya Edeni kele disolo ya luvunu. Keti yo tayitukisa nge na kuzaba nde Yezu kutubilaka Adami ti Eva bonso bantu ya kyeleka? [Bika muntu yango kupesa mvutu. Na nima tanga Matayo 19:4-6.] Zulunalu yai kepesa bamvutu na mwa bangyufula yina bantu keyulaka mingi na yina metala masamba ya Edeni.”

Reveillez-vous! Yanuari

Songa lutiti ya zulu mpi yula nde: “Inki mvutu nge lenda pesa na ngyufula yai? [Bika muntu yango kupesa mvutu.] Masonuku kesyamisa bantu na kuvanda bantu ya ketulaka ngemba. [Tanga Yakobo 3:17.] Kansi, sambu na inki mabundu metulaka ve bumosi na kati ya bantu? Keti kele ti kilumbu dibundu tapusa bantu na kuvanda na ngemba? Zulunalu yai kepesa bamvutu na bangyufula yina.”