Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Yanuari 1

Tanga Kuyantika 2:16, 17. Na nima tuba nde: “Bantu yankaka ketubaka nde Nzambi kuzabaka na ntwala nde Adami zolaka kusumuka. Bankaka kemona nde lukebisu ya Nzambi zolaka kuvanda ya luvunu kana yandi zabaka na ntwala mutindu mambu zolaka kusalama. Nge keyindula inki? [Bika muntu yango kupesa mvutu.] Disolo yai ya kebanda na lutiti 13 ketendula mutindu Nzambi kesadilaka makuki na yandi sambu na kuzaba makwisa.”

Reveillez-vous ! Yanuari

Bantu yankaka kekwikilaka nde lukwikilu mesimbamaka mingi-mingi na mawi kansi na nzayilu ya sikisiki ve. Nge keyindula inki? [Bika muntu yango kupesa mvutu.] Kana beto tadila Biblia, lukwikilu fwete vanda ve bindima-ndima. [Tanga 1 Yoane 4:1.] Disolo ya kebanda na lutiti 28 ketendula mutindu ya kuzikisa nde lukwikilu na beto mesimbamaka na nzayilu ya kyeleka.”

Nzozulu ya Nkengi Februari 1

“Bubu yai kufwa makwela kemonana mingi mpenza. Nge keyindula nde nki kele kikuma ya nene? [Bika muntu yango kupesa mvutu] Tala ndongisila yai ya mesadisaka bankwelani mingi. [Tanga 1 Korinto 10:24.] Zulunalu yai ketubila mambu sambanu yina babakala ti bankento kebokutaka mingi sambu na yo, mpi yo kemonisa nki mutindu kusadila minsiku ya Biblia lenda sadisa bo.”

Reveillez-vous ! Februari

“Yo kemonana bubu yai nde bantu mingi ketula dikebi na mambu ya bampeve ya mbi, na bantu ya mazi mpi na bandoki. Keti nge keyindula nde kudipesa na mambu ya kindoki kele mbi? [Bika muntu yango kupesa mvutu.] Tala lukebisu yai Nzambi kupesaka na Izraele ya ntama. [Tanga Kulonga 18:10-12.] Zulunalu yai kemonisa mambu yina Biblia ketubaka na yina metala kindoki.”