Keti Nge Mekudibongisaka Sambu na Maladi ya Kintulumukina?

Maladi ya kintulumukina lenda bwisa muntu mbala mosi mpi kukonda kukebisa na ntwala. (Yak. 4:14) Yo yina, muntu yina kele mayele takudibongisa mbote-mbote na ntwala. (Bing. 22:3) Keti nge meponaka balusansu ti bametode ya kusansa yina nge tandima, mpi nge mesonikaka desizio na nge? Sambu na kusadisa beno, beto mebasisaka video Soigner sans transfuser — Besoins et droits du patient, kitini na yo ya zole na DVD ya kele na ntu-dyambu Des alternatives à la transfusion — Documentaires. Na ntangu beno ketala yo, tadila kana nge lenda pesa mvutu na bangyufula yai ya melanda. Sambu video yango kele ti bifwanisu ya kesonga bantu yina bo ke na kusala operasio, bibuti fwete sadila mayele sambu na kubaka lukanu kana bana na bo ya fyoti fwete tala yo to ve.

(1) Sambu na nki minganga yankaka ke na kutadila dyaka dyambu ya metala kuvutula bantu menga? (2) Pesa bambandu tatu ya ba operasio ya mpasi yina bo mesalaka kukonda kuvutula menga. (3) Sambu na nki badoktere mpi minganga mingi yina kepasulaka bantu na nsi-ntoto ya mvimba memonisaka luzolo ya kusansa bamaladi kukonda kuvutula menga? (4) Bansosa ya bo mesalaka ntama mingi ve na balupitalu memonisaka nki na yina metala kusadila menga? (5) Inki kele bigonsa yina kemonanaka kana bo vutula muntu menga? (6) Bantu mingi ya mayele metubaka nki na yina metala mambote ya kusansa bantu kukonda kuvutula menga? (7) Inki kevandaka na kisina ya anémie, mpi nki bo lenda sala sambu na kufyotuna bigonsa na yo? (8) Inki mutindu bo lenda sala sambu baselile ya mbwaki ya mbefo kubuta mingi? (9) Inki bametode bo kesadilaka sambu na kufyotuna kiteso ya menga yina kebasikaka na ntangu bo kesala muntu operasio? (10) Keti bo lenda sansa bana ya fyoti to bantu yina kele ti maladi ya ngolo mpi ya kintulumukina yina ketula luzingu na bo na kigonsa, kukonda kuvutula bo menga? (11) Inki kele munsiku mosi na kati ya minsiku ya ntetentete ya lusansu ya mbote?

Sambu kundima balusansu yankaka ya bo memonisa na video yai metadila kansansa ya muntu yandi mosi, kuvingila ve kaka ntangu yina nge takutana ti kimbefo mosi ya kintulumukina sambu na kutadila mambu yina nge tandima to ve. Kapu 7 ya mukanda “Zola ya Nzambi” mpi bareferanse ya bo metubila na kati, ti ngika ya Kisalu na Beto ya Kimfumu ya Novembri 2006 tasadisa nge na kubaka desizio yina mesimbama na mambu ya nge melongukaka. Na nima, kana nge mebakaka mbotika, sonika desizio na nge na karte DPA mpi vandaka ntangu yonso ti karte na nge.

[Bangogo sambu na kubenda dikebi ya kele na lutiti 3]

Keti nge meponaka balusansu ti bametode ya kusansa yina nge tandima, mpi nge mesonikaka desizio na nge?