Keti Nge Lenda Meka Yo Sambu na Mvula Mosi?

Kumeka nki? Kisalu ya kimupasudi-nzila ya ntangu yonso! Nge ta baka balusakumunu mingi kibeni!—Bin 10:22.

KANA NGE SALA KISALU YA KIMUPASUDI-NZILA . . .

• nge ta yedisa mayele na nge na kisalu ya kusamuna mpi nge ta sala yo na kiese mingi

• nge ta kumisa bangwisana na nge ti Yehowa ngolo. Kana nge ke tubila mingi mambu ya Yehowa na bantu ya nkaka, yo ta sadisa nge mpi na kuyibuka diaka mingi bikalulu na yandi ya kuyituka

• nge ta wa kiese yina muntu ke waka kana yandi ke tula mambote ya Kimfumu na kisika ya ntete mpi kiese yina muntu ke waka kana yandi ke kudipesa sambu na mambote ya bantu ya nkaka.—Mat 6:33; Bis 20:35

• nge lenda kota lukutakanu ya bapasudi-nzila yina nkengi ya nziunga ke twadisaka, lukutakanu ya sipesiali yina bo ke salaka na nsungi ya lukutakanu ya nziunga, mpi Nzo-Nkanda ya Kisalu ya Kimupasudi-Nzila

• nge lenda zwa mabaku mingi ya kuyantika mpi ya kutwadisa kulonguka ya Biblia

• nge lenda kuma kulutisa ntangu mingi ti bansamuni ya nkaka mpidina beno lenda pesana kikesa.—Bar 1:11, 12