Keti Nge Ke Bakaka Mambote na Mukanda Beto Fimpa Masonuku Konso Kilumbu?

Keti kutanga mukapu ya Biblia mpi bakomantere ya kele na mukanda Beto Fimpa Masonuku Konso Kilumbu kele na kati ya mambu yina nge ke salaka konso kilumbu sambu na kukwenda pene-pene na Yehowa? Kana nge ke salaka yo ve, keti nge lenda yantika kusala yo konso kilumbu? Bantu mingi ke salaka yo konso kilumbu na suka sambu bo yindula bangindu yango kilumbu ya mvimba. (Yoz 1:8; Nk 119:97) Inki mutindu nge lenda baka mambote mingi na kutanga mukapu yina ya Biblia? Tanga baverse yina kele na ntwala mpi na nima ya verse ya kilumbu yina sambu na kuzaba mbote disolo yango. Yindula disolo mosi ya Biblia yina ke monisa mutindu ya kusadila munsiku yina mukapu yango ke tubila. Na nima, sadila munsiku yango na luzingu na nge. Kana nge ke sadila Ndinga ya Nzambi sambu yo sadisa nge na kubaka balukanu, yo ta twadisa luzingu na nge mpi ta natila nge mambote.—Nk 119:105.

Mabuta ya Betele ya ntoto ya mvimba ke tadilaka mukanda Beto Fimpa Masonuku Konso Kilumbu na nima ya kudia madia ya suka. Na bamvula me luta, bo tulaka badiskure mingi yina bo ke salaka na lusambu ya suka na JW Télédiffusion^® na kitini, MANAKA MPI BADISKURE. Inki kele mbala ya nsuka ya nge talaka diskure mosi to badiskure yina kele na kati ya badiskure yango? Ziku badiskure ya nkaka ke vandaka kibeni malongi yina nge ke vandaka ti yo mfunu. Mu mbandu, disolo ya Loti lenda pusa nge na kubaka inki lukanu?

SONGA VIDEO BENO ZOLA VE NSI-NTOTO (1YN 2:15), MPI NA NIMA BENO PESA BAMVUTU NA BANGIUFULA YAI:

• Inki munsiku ya Biblia bo tubilaka na lusambu ya suka yina beto me landa?

• Inki mutindu disolo ya Loti ke monisa kigonsa ya kuzolansi-ntoto mpi bima yina kele na kati na yo?—Kuy 13:12; 14:12; 19:3, 12, 13, 24-26

• Inki mutindu beto ke monisaka nde beto ke zolaka Yehowa kansi ve nsi-ntoto mpi bima yina kele na kati na yo?