Beto Yedisa Mayele Na Beto Na Kisalu Ya Kusamuna—Beto Ta Kimbangi na Nzila ya Kamera

MFUNU NA YO: Sambu bantu mingi me yedisa mayele na teknolozi mpi mambu ya nku ke landa kukuma mingi, bantu mingi ke sadilaka bakamera sambu na kuditanina. Beto lenda wa boma na kulonga nsangu ya mbote na muntu yina beto ke mona ve kansi ya ke mona beto. Bandongisila yai ya ke landa ta sadisa beto na kuta kimbangi mbote na nzila ya kamera.

MUTINDU YA KUSALA YO:

• Tuba mambu ya mbote. Bantu mingi yina ke vandaka ti bakamera na banzo na bo ke ndimaka na kusolula ti beto

• Kuvila ve nde bakamera ya nkaka ke yantikaka kukotisa mambu na ntwala nde muntu kukokula mpi munkwa-nzo lenda mona nge na kintama mpi kuwa nge na ntwala nde nge kuma pene-pene ya kielo

• Kana munkwa-nzo me ndima, solula ti yandi na kamera bonso nge ke na ntwala na yandi. Seka mpi sala bidimbu ya nitu mutindu nge ke salaka. Tuba kaka mambu yina nge zolaka kutuba kana yandi zolaka kukwisa na kielo. Kana kamera kele, kupusana ve kibeni pene-pene na yo. Kana munkwa-nzo me ndima ve, kubikila yandi ve nsangu

• Na nima ya kusolula ti munkwa-nzo, bansamuni fwete keba na mambu yina bo ke tuba sambu munkwa-nzo lenda landa kutala bo mpi kuwidikila bo