Vanda ti Bikalulu ya Mbote na Ntwala ya Kielo ya Muntu

Bakristu kele bantu yina nsi-ntoto ya mvimba ke talaka. (1Bk 4:9) Yo yina, beto ke yitukaka ve kana bantu ya nkaka ke tala beto na bafenetre to ke widikila beto kaka na nima ya bakielo na bo. Beto lenda kuma na nzo mosi yina bo ke talaka bantu ya ke kwisa na kamera, to bo ke sadilaka bapareyi sambu na kuwidikila bantu mpi kubumba ndinga na bo. Tala mutindu beto lenda monisa bikalulu ya mbote na ntwala ya kielo ya muntu.—2Bk 6:3.

BIKALULU NA NGE (Fil 1:27):

• Kulongula-longula ve na nzo ya muntu sambu na kumonisa luzitu. Ntangu nge me telama na ntwala ya kielo, kudia ve, kunwa ve, mpi kusolula ve na telefone to kutinda ve ba message

KUTUBA NA NGE (Efe 4:29):

• Ntangu nge kele na kielo ya muntu, kutuba ve mambu yina nge ta zola ve nde munkwa-nzo kuwa. Nkutu bansamuni ya nkaka ke zengaka masolo sambu na kuyindula mambu yina bo ta tuba

Inki ya nkaka nge lenda sala sambu na kumonisa bikalulu ya mbote?