BAMVUTU NA BANGIUFULA YA BIBLIA

Diabulu katukaka wapi?

Nzambi gangaka ve Diabulu. Kansi, Nzambi gangaka wanzio yina kudikumisaka na nima Diabulu, ya me zabanaka mpi na zina ya Satana. Yezu monisaka nde, na nsungi mosi buna Diabulu vandaka na kieleka mpi na nzila ya mbote. Na luyantiku, Diabulu vandaka wanzio ya lunungu mpi mwana ya Nzambi.​—Tanga Yoane 8:44.

Inki mutindu wanzio mosi lenda kuma Diabulu?

Wanzio yina kumaka Diabulu ponaka na kutelamina Nzambi mpi yandi pusaka bankwelani ya ntete na kulanda yandi. Mpidina, yandi kudikumisaka Satana, yina ke tendula “Mutelemini.”​—Tanga Kuyantika 3:1-5; Kusonga 12:9.

Bonso bigangwa yonso ya nkaka ya mayele, wanzio yina kumaka Diabulu vandaka ti kimpwanza ya kupona na kusala mambu ya mbote to ya mbi, kansi yandi yedisaka mpusa nde bantu kusambila yandi. Mpusa na yandi ya kubaka lukumu vandaka ngolo kuluta mpusa na yandi ya kusepedisa Nzambi.​—Tanga Matayo 4:8, 9; Yakobo 1:13, 14.

Inki mutindu Diabulu landaka kukusa bantu? Keti nge fwete wa yandi boma? Nge lenda zwa bamvutu ya bangiufula yai na Biblia.