Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Septembri 1

“Bantangu yankaka bantu kesalaka mambu ya mbi sambu na lutwadisu ya mbi ya bamfumu ya mabundu. Nge keyindula nde nki kesalaka nde bo kusama? [Bika muntu yango kupesa mvutu.] Tala mambu yina Biblia kesyamisaka. [Tanga 1 Yoane 4:1.] Disolo yai ketendula sambu na nki yo kele mfunu na kufwanisa lukwikilu na beto ti mambu yina Ndinga ya Nzambi ketuba.” Tubila disolo yina keyantika na lutiti 10.

Reveillez-vous! Septembri

Tanga Matayo 5:39. Na nima tuba nde: “Keti nge keyindula nde Yezu kutubaka nde beto fwete kanga munoko na ntangu ya mpasi ntangu bo mesala beto mbi? [Bika muntu yango kupesa mvutu.] Disolo yai kemonisa mambu yina Biblia ketuba na yina metala kuditanina mpi kusosa lutaninu ya leta.” Tubila disolo yina keyantika na lutiti 10.

Nzozulu ya Nkengi Oktobri 1

“Bantu ya nsi-ntoto ya mvimba yina kele na mabundu yonso kesalaka kisambu. Keti nge keyindula nde Nzambi kewaka mpi kepesaka mvutu na bisambu yina? [Bika muntu yango kupesa mvutu.] Biblia kesyamisaka beto na kusamba. [Tanga Filipi 4:6, 7.] Zulunalu yai kepesa mvutu ya Biblia na bangyufula nsambwadi ya bantu mingi keyulaka na yina metala kisambu.”

Reveillez-vous! Oktobri

“Bantangu yankaka beto kewaka mutindu bantu kenyokwamaka bankwelani na bo, na bantu ya politiki, mpi na bantu yankaka. Keti nge keyindula nde yo mekuma mpasi sambu na kumona bantu yina nge lenda tudila ntima? [Bika muntu yango kupesa mvutu.] Bantu mingi keyindulaka nde verse yai kele na kulungana. [Tanga 2 Timoteo 3:1-5.] Disolo yai ketendula kisika yina beto lenda mona bantu yina beto lenda tudila ntima.”